قلبه حجر
غدر
سيماته الشّر
خاين و لثقتنا كسر
.
و خلاّلي دمعاتي سكيبة
ــــــــــــــــــــ
وجه الهمّ
ظلم
سيّل الدّمّ
في قلبي خلّف الألم
.
و طعننّا بطعنات رهيبة
ــــــــــــــــــــ
يركّب العصبْ
عجبْ!
سكّر و حجبْ
صنصر حتّى بلاش سببْ
.
يفكّر بأفكار غريبة
ــــــــــــــــــــ
تجاوز الحدّ
حقدْ
أسياده حسدْ
كي البقّة على راس أسد
.
تقلّق، ما توقّفله دبيبه
ــــــــــــــــــــ
عمّار جرحْ
الزّحْ
عالشّبكة ردح
من دانا غنّى و فرح
.
و عيّشنا أيّام صعيبة
ــــــــــــــــــــ
لكن غنّيوا
دُوِّيوْ
مهما نقاسيوا
وجايعنا لازم يمشيوا
.
و الصّحوة بقدرة ربّي قريبة...
![[]](http://m3.moostik.net/img/?pseudo=weldbyrsa)
11 commentaires:
يا ولد بيرسا، أنا نتصور عمك عمار على عكس اللي ماشي في بالنا هو انسان حساس ورهيف المشاعر ويتألم كثيرا كلما قلنا عنه كلاما موجعا، لذلك باش ياخو بخاطرك ويزيد يعملك ضربة مقصية باش المرة الجاية تولي تكتب عليه كلام جميل
braaaaaaaaavo Byrsa!
Sublimissime poème comme à ton habitude!
5amssa wi5miss 3lik ya wild il birsa !! tji ghonaya bil gasba !! tooooo7fa
بصراحة تبارك الله على ولد بلادى "نقصد الجمهورية" :))) الحوت عليك ما نعرش علاش تفكّرت الشاهد الابيض وتخيلتو يغني في الملزومة هذى :)) تعرفو ماهو شكونو ؟ والا جيل جديد ؟
ههههههههههههههه
إلى سفيان
:-)) يقصّ و الاّ يزمّر، خاطر كان حاجتو بكلمة حلوّة ماهوش باش يلقاها هوني
إلى خليل
شكرا صديقي :-)
marge-oiseau إلى
شكرا جزيلا. تو نشوف كان فمّا واحد مالأحباب يفهم في القصبة يعطيها شويّا لحن :-))
إلى أرابيكا
شكرا "بنت بلادي" :-)) الحقيقة ما نعرفوش الشّاهد الأبيض، آما قريت الّي هو فنّان شعبي قديم عندو صوت قويّ و نادر
كان تنجّم تنوّرني أكثر، أكون لك من الشّاكرين :-))) جيل جديد، ماك تعرف..... ههههههه
باهي يا سيدي أقرى هذى كتبها سيدي على مدونة "خيل وليل" وتوة نبعثلك الفيديو باش يولى صوت وصورة
هنا
نفرح كيف نلقى جيل جديد كيفك انت ودحدوحة وخليل شيء يعطينا الثقة في غدوة
ألف شكر يا أرابيكا
:-)
bravo :)
moi je lui dédie "Fi wajhika Toulou" :))
désolée c'est peut être vulgaire;
ema 3andhom jrana fi mkhakhhom!
c'est simple comme explication,non?
mais non, c'est pas du tout vulgaire... au contraire, tu es gentille là!!! :-))
Enregistrer un commentaire