mercredi 15 octobre 2008

!!!!! شطر محبّة ............ ملاّ غلبة





اليوم فمّا صديقة [الله يهديها و يسامحها :-)))] اقترحت علينا باش نمشيو نشوفو "الفيلم" الجديد متاع كلثوم برناز (بالعاني حطّيت "فيلم" بين ضفرين على خاطر الحاجة الّي شفتها اليوم في الأفريكا تجي كلّ شيء كان فيلم)؛
حاسيلو من غير ما نطوّل.... حاجة خايبة ياسر، أكثر ملّي أيّ إنسان ينجّم يتصوّر ..... لين ساعات تولّي تضحّك بالعمل
في بالي خشخاش هو أخيب فيلم في العالم عبر التّاريخ و على مرّ العصور، ياخي طلع يتسمّى فيلم غول قدّام ها المصيبة هاذي

حكاية لا ساس لا راس.... تصوير يحشّم.... حوار متاع تمنييك.... حاسيلو: كارثة
هي في الحقيقة الفكرة الرّئيسيّة متاع الفيلم ماهاش خايبة: المساواة في الميراث بين الرّاجل و المرا
لكن طريقة طرحها، و الحكاية الّي حكاتها، و الكاستينغ الّي عملتّو، و المونتاج، و كلّ المكوّنات العاديّة متاع فيم عادي....... كعبة لا
و زيد كيف ما يقول الفرنساوي "حبّة الملوك فوق التّرتة" : قلّة التّربية و التّكبّر و الغطرسة و الوقاحة متاع المخرجة
هو ماو اليوم فمّا نادي السينما في الأفريكا، بعد الفيلم جات المخرجة باش تناقش الفيلم متاعها.
فمّا وليّد (تحفون هكّا و عاقل كي ها الوجوه) هزّ صبعو و سإلها، قاللها: علاش كيف طرحت موضوع الميراث ما تعمّقتش فيه أكثر؟
و يـــــــــــــــــــــا بابا....... يا ليتو ما تكلّم مسيكن.... شعلت فيه فتيلة بلا زيت، و قالتلو كان تحبّ أعملو انت الفيلم!!!!!....؛

كانك عليه هو، بلع السّكّينة بدمّها مسكين
و أنا هزّيت روحي و خرجت. قلت عالأقلّ كي الواحد ركبو الغزّول وقت العرض، موش لازم يزيد يستحمل قلّة التربية متاع ها أشباه المخرجين هاذوما

مانيش باش نكمّل نحكي، نخلّيكم تشوفو بعينيكم..... لكن عندي تساؤل حيّرني؟؟؟
توّا كلثوم برناز، و الاّ غيرها من الّي يحسبو في رواحهم مخرجين و سينيمائيّين و هوما ما يجيو شيء: كيف تجيك فكرة باهية و تحبّ تعمل عليها فيلم......، علاش ما تعطيهاش لإنسان يعرف يعمل الأفلام، يخدملك حاجة على قاعدة، خير مالّي تقعد تهزّ في راسك و تسبط و من بعد تعمل خرية كيما هكّا؟؟؟؟؟

................... غريبة

17 commentaires:

Anonyme a dit…

Est ce que quelqu'un arrive à visualiser cette acriture?
Y a que des signes, pas de caractères! A moins que mon poste pète les plombs!!!

Sofiene Chourabi a dit…

حسيتك ياسر تهجمت على الفيلم. شوف عمك عمروش اهوكا استغل المقالة ونشرها في برشة بقايع مش باش يناقش الفيلم سينمائيا وانما ليستهدف مضمون وموضوعه

Mon Massir a dit…

Tu me culpabilises encore plus de ne pas être venue... bien que je me dis: "heureusement"!

C'est dommage que le film soit mauvais. L'idée était bonne.
J'avais entendu son interview à la radio, et ce qui m'avait attirée est le fait qu'elle ait dit que chaque père devrait voir le film pour se rendre compte à quel point il peut être injuste envers sa fille.

Le film montre-t-il au moins cela?

Unknown a dit…
Ce commentaire a été supprimé par l'auteur.
Unknown a dit…

et dire que j'avais prévenu. :p

mandela a dit…

c vraiment fort ça ...malla le3b
win nemchi nal9a echourabi ...offffffff o93ed fiha wa7dek hani bech nhej lboutswana

Anonyme a dit…

ne me dis pas que tu y étais!!! et dire qu'on s'est peut-être croisé...
Dommage :-(
La prochaine fois peut être ;-)
Ps, je me suis ennuié à mourir...
Je pense qu'il gagne haut les mains la place du pire film du cinéma Tunisien,
Après Khochkhach bien sur

ولد بيرسا a dit…

@ miss néapolis:
je crois qu'il y avait un pb au niveau du caractère, je l'ai réglé. désolé

@ sofiène:
c'était prévisible. mais le film est tellement mal fait, que l'idée ne peut pas être discutée dessus.

@ massir:
je l'ai aussi entendu sur rtci, elle parlait mal déjà. en plus le film a passé complètement à coté de l'idée. tu devrais aller qd mm voir massir, tu verras de tes propres yeux ...

@ mils:
و الله عندك الحقّ... شفتو
أما آش تحبّ تعمل؟ عربي .... ما نفهم كان بالسّطاكة
:-D

@ mandela:
wassa3 belek ya rajel, ou5ayen :-) 3lech hakka? aya bouss 5ouk ou yezzi mil bleda....

@ clochette:
inchallah forsa 9adma :-)
mais je pense qd mm que c'est de loin le film le plus nul de toute l'histoire du cinéma ...

Amira Yaakoubi a dit…

el 7a9 j'avais envie d'aller voir ce film ema el 3bed el koll m'ont découragé!
finalement rahou 9ellet ettorbia efa tghalghlet fel mojtama3 emte3na
brabbi ken hedhi mo5rja ou za3ma ensena moutha9fa te7ki hakka, ech mezel?

Amira Yaakoubi a dit…

ikeb sa3d el 3ar!

ولد بيرسا a dit…

ah oui Pink, chay i7achem!!!
mais tu devrais quand même aller voir, pcq je doute fort qu'on puisse faire pire que ça
c'est indescriptible tellement c'est mal foutu

Amira Yaakoubi a dit…

ok
mchet m3ak!
ema bech nestanneh yahbet fel les autres salles de ciné,
au moins el wa7ed ma ye5serch 4 dinarat 3la hadra fergha!

ولد بيرسا a dit…

ah non Pink,
il ne sera que dans une autre salle, longtemps après, et en version non sous-titrée. ils sont encore en train de préparer la copie en france.
tu devrais le voir avec le sous-titrage, pcq il est super nul aussi. je ne veux pas que tu rates une miette de cette catastrophe :-)
barra bark, ye5lef allah 3al 4 lèf, i7sibhom sod9a :-D

Übermensch a dit…

Quelqu'un peut m'expliquer que représente l'affiche du film (pas celle que tu as mise mais l'autre qui est affichée dans les rues)?
mana3rech belekchi ma3adech endell mli7 ema rani 9a3ed nchouf fi 7aja 5TIIRA YASSER!!!

ولد بيرسا a dit…

إي الّي فيها الطّفل معنّق القبّة
أما شنوّة الخطر الّي قلت عليه؟

Übermensch a dit…

@weld birsa
tetbahnesseu ?

ولد بيرسا a dit…

:-P
hahahaha