lundi 8 septembre 2008

ولد بيرسا قرّر باش يحلم



اليوم قرّرت باش نحلم

و نحبّكم تحلموا معايا، مادام الحلم مازال بلاش، و ما يعاقبش عليه القانون و كيف "ترتكبو" الحاكم ما يقلّكش علاش؟

.

اليوم قرّرت باش نحلم بروحي في زمان آخر و في مكان آخر

.

باش نحلم بروحي في بلاد بلاش قوادة، بلاش مصامر مصدّدة، بلاش عرك، بلاش تكعبير، بلاش محاكم، بلاش بوليسيّة، بلاش حكومة، بلاش نقابة، بلاش كرطوش

.

بلاد بلاش ديانات، بلاش رسل، بلاش ربوبة، بلاش وليا، بلاش فتاوي، بلاش شعوذة

.

بلاد يسوى فيها البشر بقيمة أفعالو، من غير ما يسفّلوه و الاّ يعظّموه من قبل ما يخرج من ركايب بوه

.

بلاد تعمل فيها النّاس الخير،من غير ماهي خايفة لا من جهنّم لا من منكر لا من نكير، من غير لاهي طامعة لا في سواقي شراب لا في غلّة لا في صبايا لابسة الحرير

.

بلاد ما يتحقرش فيها الإنسان خاطرو أسمر و الاّ خاطرو قصير و الاّ خاطرو فقير و الاّ خاطر بوه جاي من بلاد الغير

.

بلاد لا فيها وشام، لا لحيّ، لا صليب، لا نجوم صفر

بلاد لا فيها ليتوال، لا ادريس، لا الشّرميطي، لا منجي بحر

بلاد لا فيها رشاوي، لا اكتاف، لا تصمصير، لا تطيح قدر

بلاد تقول فيها تقول فيها كلمتك من غير ما تاكل كفّ و ما تذوق المرّ

.

الزّمان الّي نحلم بيه لا فيه سيدي بن غالبة لا سيدي بالنّصر لا للاّ صالحة

المكان الّي نحلم بيه تخرج فيه قصع الكسكسي للزّواولة من غير ما يكون حدّ عمل حادث و الاّ حدّ يحبّ يطلب الرّحمة من عند للاّ خديجة و الاّ سيدي بالحارث

في الزّمان الّي نحلم بيه عرق الجّبين يسوى أكثر مالنّسب، العقل أكثر من الوجه، و التّربية أكثر مالصّياغة و الذهب

.

اليوم هاني حلمت ........ حلمت ........ حلمت

و كيف فقت.........ـ

فقت على صوت بوليس يكفر في ربّي على واحد لابس مريول ليتوال، و هو يطلب في السّماح براس سيدي الجّبلي

برشا حكايات....... راسي وجعني من الأحلام ....... و فطنت الّي مازال فمّا ليتوال، مازال فمّا بوليسيّة، مازال فمّا ربوبة، مازال فمّا وليا، مازااااااااال

.

و في الإخّر ما ....... زال: كان الحلم

17 commentaires:

Alé Abdalla a dit…

إحلم إحلم يا ولد بيرصا جاب ربّي جينا نحلمو والحلم بو بلاش وحدّ ما يقلّنّا لا ما تحلموش الحلم كي الملح في الماكلة يعطي للحياة بنّة و نكهة و يمكن ما هيش صدفة إلّي الكلمتين عندهم نفس الحروف, و في الآخر نقلّك إلّي ما صاب جاو النّاس الكلّ يحلمو كيفك راهو الحلم ولّى حقيقة

Stupeur a dit…

Imagine, 9alha chay lellah ya sidi John Lenon!

You may say that I'm a dreamer, but i'm not the only one!

ولد بيرسا a dit…

إلى علاء
صحيح الّي الحلم كيف الملح، يعطي للحياة طعم.... لكنّو كيفو زادا، فيسع يذوب و يتنسى

stupeur إلى
:-)))))
حلوّة سيدي دجون لينون.... ناقصين توّ أحنا، كمّل جبتلنا واحد أمبورتي :-)))
لكن نعرف الّي مانيش وحدي نحلم، أما نعرف زادا الّي أحلامي ما عندها فين باش توصّلني

sassou a dit…

Aie!! ouille!! ...tawa khrajitt mil hilma wa sadmitni el hkika!!

WALLADA a dit…

و زيد احلم ببلاد ما في هاش عمّار

Le Loup des Steppes a dit…

jolie la version "Weld byrsa" de "Imagine" de john Lennon :))

Anonyme a dit…

ch5ass kèn jè hedheka 7al bledna , mais bon domage que ce n'est qu'un rêve.

Amira Yaakoubi a dit…

@loup des steppes: j'allais faire la même remarque; c'est la version version tunisienne!
@nady: ce n'est pas le cas dans notre pays ni dans les autres d'ailleurs et je peux t'affirmer avec grande désolation que ça ne le sera jamais

Anonyme a dit…

fil a7LAm fama kilmet LA :-)

ولد بيرسا a dit…

دجون لينون زادا؟؟؟
الله يهديك يا أمين في ها الطّلعة :-)))))
انا الّي نحلم راهو موش هو
هو مسيكن حلم شويّا، ياخي حلمو بيه برشا، ياخي قتلوه

:-))))))))

Anonyme a dit…

Tant qu'il y a des rêveurs comme toi, l'espoir est permis!

ولد بيرسا a dit…

merci Khanouff :-)

Anonyme a dit…

يا ليت

يعطيك الصحة

Unknown a dit…

Bravo pour cette poèsie vibirante, réelle, humaine et pleine de bons sens! C'est vraiment du kif de la lire!
Bonne continuation!

Anonyme a dit…

Bon article !
Amma chbik ya 5ouya mel koura elkol makraht ken l'étoile ???

Ena kenek 3leya, na77i lkoura lkol melbled, 5allina ntab3ou kouret el 9adam el oropeya yezzina :)))

eagleeyez a dit…

ghriba, hana ne7elmou fard chaine :P

vraiment super ton poste et ça resume tes convictions et explique ta rancune.

nehdilek a3dhem ghenya fel tari5 :

http://www.youtube.com/watch?v=jEOkxRLzBf0&feature=related

Bravo sa7bi.

ولد بيرسا a dit…

:-)))
شكرا يا "عيون النّسر" .....؛