lundi 1 septembre 2008

تونس بين الشّعوذة و حجب فايسبوك

.

لاحظنا الكلّ الّي فايسبوك تسكّر

باهي، يعطيكم الصّحّة..... عملتو عملة باهية ياسر

أما باش ناقف لحظة و نعمل بعض الملاحظات

:

فايسبوك الّي هو كان أداة تواصل و تعارف و فضاء للنّقاش و التّنمية الثّقافيّة، تسكّر..... في المقابل تحلّ جريدة، تلقى فيها على الأقلّ 10 إعلانات، الصّغير فيهم ماخذ ربع صفحة، ينشرو في الشّعوذة و الكذب و التّبلعيط

هاو الأستاذ الورتاني يداوي في العجز الجنسي بالأعشاب، هاو سي العليبي يداوي في السّرطان بالقرآن، هاي للاّ زمّارة تعالج في الصّفراء و تجيب في الأرزاق و تفرّق في الفيزاوات لفرانسا، الخ......ـ

.

هاذوما؟

لا..... ما نحجبوهمش

باهيشي؟؟؟؟ حرّيّة تعبير و كلّ حدّ مسؤول على كلامو

أما فايسبوك؟..... لا !!!!! ، هذاكا كلّو قلّة حياء و بلادة و ركاكة و يلزم نسكّروه باش نحافظو على الشّباب و على نقاوة أفكارهم

.

حاسيلو ما فهمتش البلاد فين ماشية.... ؟؟؟؟؟

الطّرف حرّيّة الّي كنّا نفيّسو بيها و نبهبرو على أشقّائنا العرب الأخرين قريب تندثر

أ تو إنّحي جدّ بوه الإشتراك متاع أنترنات و نولّي نقرى في الصّريح و الإعلان و الحدث و أخبار الجمهوريّة في انتظار أنّو ها العباد الّي شادّة الدّمان متاع البلاد يرجعلها شاهد العقل و تفهم الّي تونس في خطر و قاعدة توخّر بالتّوالي بسرعة رهيبة في جرّة ها العمايل الكلبة متاعهم

.

بربيّ نداء أخير لأصدقائي الّي يصلّيو: َ

بعد صلاة التّراويح اليوم، تفكّرو باش تدعيوا دعيوة لتونس فمّاش ما نراوها تعاود تاقف على ساقيها و نعاودو انّجّمو نهزّو ريوسنا، و نفيّسو على أشقّائنا العرب و نضربو على صدورنا و نعاودو وقتلّي نقولو: أحنا توانسة .....ـ

11 commentaires:

lina ben Mhenni a dit…

ya dhnoubi ken mezel bech t9oumelna 9ayma. Inti ta7ki 3al jarayed ti ls annonces mta3 edagueza wel 3arrafa kont nal9ahom kol youm fel boite aux lettres mta3 darna . 7a9 moktassab bech y7otou 5majhom 3andi

Bachbouch a dit…

"إنّحي جدّ بوه الإشتراك متاع أنترنات و نولّي نقرى في الصّريح و الإعلان و الحدث و أخبار الجمهوريّة في انتظار أنّو ها العباد الّي شادّة الدّمان متاع البلاد يرجعلها شاهد العقل"

Et pourquoi le gouvernement changera-t-il d'avis si on va tous se taire?
On doit passer au mode d'actions!
Ils ont boycotte Facebook et youtube, c notre tour a boycotter les journaux Tunisiens pour un mois.
Laissons le gouvernemnt lire ses journaux...

Anonyme a dit…

Jusqu'à quand ça va durer? Les réseaux sociaux représentent un univers d'échanges, de culture, d'ouverture, d'amitié tout simplement. A l'étranger on ne demande plus le mail mais le compte facebook!!!! Maintenant: plus d'accès!!!

Monsieur-bien a dit…

Mon avis est que c'est un probleme technique momentané et qui va etre resolu car un pays comme la Tunisie ayant atteint ce degrés d'avancement social, economique et de stabilité ne peut que si il n'y a une menace securitaire de premier ordre couper les tunisiens d'un reseau aussi populaire qui les mondialise tout les jours un peu plus et qui ouvre les yeux sur d'autres cultures et ce qui se passe dans le monde...
Pour mon cas 70% de mes contacts sur facebook sont internationaux et à moyen terme cette perte pourait etre dommageable mais je suis confiant.

ولد بيرسا a dit…

@ lina:
j'ose qd mm espérer... la tunisie dont je rêve n'est pas celle des daguezzas et des 3arrafas, mais bien celle de facebook, des blogs et des libertés

@ bachbouch:
de tte manière j'ai tjrs boycotté les journaux et ça n'a pas marché, alors... :-)

@ anonyme:
ça va certainement se débloquer un jour, mais quand????
inchallah on le verra de notre vivant!!!

@ M. bien:
c'est ce que je croyais aussi, que la tunisie avait atteint ces degrés là, mais malheureusement ce n'est pas le cas.
et puis ce n'est pas du tt un pb technique, il faut arrêter avec ça...

Anonyme a dit…

c'est un problème technique qui empire alors! ou alors on nous prend tous pour des c***. Sans blague, si ça tenait qu'à moi j'aurai résilié l'abonnement familial depuis le coup de youtube.. qu'ils se la mettent là où je pense leur "internet"! (sam7ouni 3al klem!)

Anonyme a dit…

PS fb est encore accessible en tunisie, ama shuuutt ma fibelhemch kel bheyem

الحاج كلوف a dit…

في عوض تطلب من المصليين يدعيو على عمار404 أطلب انت من صوحابك جماعة القوش اللي شادين الدمان في البلاد باش يعدلو السكة ويرخفو شوية ويطردو عمار. راهم خ*** فيه ياسر.
مبروك عليكم تعيين الزعيم الطلابي الكبير سى سمير العبيدى في الوزارة وانشالله ديما لقدام.

عاشور الناجي a dit…

مبروك علينا
هاذي البداية
و مازال مازال



شخير من شعب راقد يؤمن بالدعوذة و يداوي بالقرآن يا ولد بيرصة

و يحط فلوسه في البانكةالإسلامية


السيد قسم الكوري بين الورثة في حياته

ولد بيرسا a dit…

@ haj klouf:
"jme3et el gauche" ne sont pas mes amis, pour la simple raison que je ne les connais pas... en plus la gauche et la droite sont deux valeurs qui n'existent pas en Tunisie et qui ne peuvent jamais exister, pcq ils sont tt simplement incompatibles avec notre pays et notre culture; mais bon, là c'est un autre sujet, on en reparlera ....
sinon, samir laabidi je ne le connais pas et je m'en fous d'ailleurs. ce n'est pas ce ministère là qui m'intéresse, je dépends d'un autre qui n'a rien à voir avec l'éducation.
je crois que tu t'es trompé de personne cher ami, tu dois me confondre avec un autre :-)

@ achour enneji:
كيف ما قلت قبل، فمّا هدف دنيء يحبّو يوصلولو، و هو تبهيم و تسطيك الشّعب
هاذاكا علاش يلزم النّاس تقعد تمّن بالشّعوذة و الحكايات الفارغة و تسكّر مخاخها حتّى لين هوما يكمّلو أمورهم و يخلّيوا أهل البلاء في البلاء

pink_panther a dit…

hedhika hia siaset ettahmich wettabhim!
fech testanna brabbi?
Les cinémas et les theatres se ferment et sont désertés jours aprés jour et de l'autre côté les salons de thé et les boites kennemmela maktharhom ou 3ammel 3la 9oddem!
ou 9al chnoua promotion de la culture!
bien sur ye7ki 3la culture el bhéma ou comment être le plus superficiel possible!