mercredi 7 mars 2012

العلم يتدنّس...، و شطر بزّولة تدخّل للحبس

اليوم على ترابها الّي الدّم مازال شاحش منّو.....، اليوم قدّام أهلها و امّاليها، بين بناتها و أولادها و النّوّار الّي محلّيها، و من غير ما يحسّوا بوجيعتها و لا يسمعوا دعاويها...، اغتصبوها من غير شفقة و لا رحمة و دنّسوا ذكريات جدّيها

اليوم ما همّتهمش ريحة ترابها و شجرها و حجرها و بحرها و صحرتها و آثارها و غبارها و امطارها و الحجر الّي باني ديارها

اليوم ما حسّوش هواها الّي يتنفّسوا فيه، و ماها الّي يشربوا فيه، و قمحها الّي يرهجوا فيه، و دواها الّي يداويوا بيه، و مكتبها الّي قراوا فيه، و شطّها الّي سنين يصيّفوا عليه

اليوم ما تذكّروش قدّاش هداتلهم دمّ و دموع، و المحبّة الّي جرات بين الرّبوع، و الشّهيد الّي تحدّى الممنوع و سافر بلا رجوع، و البو الّي على ولدو موجوع، و الكرطوش الذي مازال محبوس بين الضّلوع

اليوم من غير حشمة و لا جعرة، علمها، هيبتها، رمزها، مفخرتها، ألوانها، زينتها، همّتها، عزّتها، وجهها، غزرتها....، يتقطّع و يتهان و يتخفضلو الشّان، و يتمسّخ و يتمرمد...، باسم "الرّحمان"

اليوم العلم تدنّس و تهان...، بين يدين فرخ جبان، حاسس روحو عندو بزايد إيمان...، البارح راكش خايف مالسّلطان، و ما يجبدش الحاكم حتّى على طرف اللّسان، و اليوم كيف أسيادوا حلّوا قدّامو البيبان، و كيف غابت عليه الحجّة و البرهان، جاب زوز شوالق من افغانستان، ولّى يطوّل في اللّسان...، و حطّ كسرتو على أغلى ما عندنا من أوّل الزّمان

بطبيعة الحال، النّيابة العموميّة موش باش يقلّقها ياسر الموضوع و ماهاش باش تطوّل معاه، و كان خلات تو يوقّفوا فرخ مالفروخ، يشدّوه عندهم أربعة و الاّ خمسة أيّام، و من بعد يقولولنا كي العادة "غلطنا...، طلع موش هوّ"

على خاطر النّيابة العموميّة متاعنا (الّي يمثّلها وزير عندهم ضربان التّرمة حاجة عاديّة في سبرهم) ما تصدمها كان شطر بزّولة على جريدة و الاّ واحد معنّق صاحبتو...، أما العلم و شرف و همّة البلاد، الدّك فيها و في الكلاب


توّا أما أخطر عالبلاد؟ هاذي....؛


و الاّ هاذي؟؟؟



تفوه عليكم و علّي ربّاوكم يا حيوانات يا زنوس يا طحّانة

13 commentaires:

Anonyme a dit…

mabrouk ala ittahana ,mabrouk tunistan ,mabrouk ya touansa ,et tout ça est la charia n'est pas encore adapter dans la constitution ,ça sera les coups de fouet pour vos femme et filles dans les rues parce qu'elle ne veut pas épouser un grand père nahdhawi ou salafistes ,mabrouk alikom ya joubana ,yelli mazeltou chadinne eddar we kaadin ,vous attendez quoi ?? yekhi charboukom edewa ? VOUS ATTENDEZ quoi ? que la tunisie devient comme la libye ou l'irak ,quel soit divisé comme ben guazzi et tripoli ,vous voulez quoi ,qu'ils rentrent chez vous et violent vos filles et vous femmes pour bouger ,vous attendez quoi ,qu'ils finissent de lâcher leurs venin dans le corps de ce pays comme l'iran et l'afganistant autre fois ses deux pays était aussi joli que la tunisie avant qu'il soit dévorer par ses bêtes furieuse qui dispèrssent la haine dans les mosqués après avoir changer la plupart des imams ,vous attendez quoi ? qu'ils tuent la tunisie , , c'est le moment de bouger si non après ça sera trop tard ,soyez nombreux demain pour manifester contre ses jerthen ....BOUGEZ MON PEUPLE ...nounou

ولد بيرسا a dit…

c'est un combat encore plus lourd que celui de l'ancien régime, mais s'il faut passer par là on le fera!

Anonyme a dit…

...زايد...يا صاحبي ..يظهرلي القلة يلزمها تتكسر..

Anonyme a dit…

Il n'y a que les nationalistes, les bourguibistes et les patriotes qui peuvent sauver ce pays. Malheureusement, il va y avoir du sang..et on ne sera pas comment sera l'issue. Je pense que beaucoup de tunisiens en sont conscients et la maturité des convictions a commencé

اكا اللي ايسالك ... a dit…

في قعدة مع البعض من الشبيبة ..لاحظت انو ثمة اللي بدا افكر بجدية باش اهج مالبلاد ...قالك يا خويا اش مازال فيها ما يتعاش ..بطالة ..واعتصامات ..وبراكاجات..وزبلة ماكلة البلاد وعباد تقول خارجة من كتب التاريخ الصفرى..الصغير اشوف الواحد منهم يجهش بالبكاء.. الحجام والجزار والبراوطي وللاوا يفتوا ويحرموا ويحللوا ..لا سلمت جوامع لا كليات.. وتحس اللي الجهل عم ..وبناتنا بعد ما خذاو الباك وفي بالنا تنوروا..صبحوا يعتقدوا انهم ماكينات متع جنس يلزمهم يطغطاو من ساسهم الراسهم...عاد ما نعرفش اش نوا رايك في هاالنزيف متع الشباب اللي ناوي اقطع ..يعني البلاد باش تخسر الكريمة متاعها ...وما يبقى فيها كان ....والساتر ربي ...

ولد بيرسا a dit…

هو في الحقيقة توّا بعد الثورة الناس الكل سلاكات، لا تسالني لا نسالك
أما في الموضوع هاذا، موش قدّام كل حجرة تعرضنا في الطريق نهربو
أما رأيي أنا، هو الذي يحبّ يقطّع، ماذابيه يهجّ اليوم قبل غدوة، على خاطر ماهمش هاذوما العباد الّي باش تعمّل عليهم البلاد
الّي في كلّ مشكل يردم راسو في التراب لا استحقّتلو البلاد لا قبل لا وقت الثورة، و ماهاش باش تتسحقّلو بعدها
لذا...، ريح السّد

Triple blog a dit…

Rien à voir, mais ca explique largement pourquoi sami 54ira a choisi de jouer pour la manschaft ...
Parce que la meme photo avec kaouther lbardi, ca donnerai pas pareil - et pas à cause du photographe!!!

Wohnungsräumung a dit…

شكرا على الموضوعات الجيده

Wohnungsräumung a dit…

شكرا على الموضوع

Wohnungsräumung a dit…

موضوع ممتاز جدا شكرا لكم

Entrümpelung wien a dit…

شكرا على الموضوع ..))

entrümpelung wien a dit…

شكرا لكم .. دائما موقفيين ))
entrümpelung
entrümpelung wien

Wohnungsräumung Wien a dit…

شكرا لكم ..دائما موفقين..))


Wohnungsräumung
Wohnungsräumung Wien