vendredi 2 mars 2012

صباح العار و الزنّار


صباح العار و الزّنّار، و السّواك الحار، عالشعب الّي ثار، في بالو عدّل الأوتار، و صلّح الأعوار و ولّى يمشي بالرّنّة

صباح العار و الزّنّار، على وزير طفـّار، الّي كي يطيح النهار، يرخف الأزرار، و يسفـّو في الجار، و يمدّ وجهو لا كان و لا صار...، آش كان عليه؟ ماهو الاّ مرض الكبار، و عاقبتها ما تكون كان الجنّة

صباح العار و الزّنّار، عالشّيخ الغدّار، جاي من وراء البحار، و رث الرّئيس الفارّ...، علّوش بالفستق و كافيار، في شهرين باعها بالدولار...، خلّى الشّعب مهبّطهم حيار، علّي في الجّبانة و الّي في السبيطار، و زيد مطنّش علينا هاك السِنّة

صباح العار و النقمة، كي نهار 23 فقنا مالحلمة، على رئيس ما عندوش كلمة، و خو الوزير طايح على ترمة، و الّي يخرى خرية يردّوهالنا حكمة، و النّواب تكذب بلا حشمة، و الناس غلات عليهم اللّقمة، و الحزب الأحرش النّاحس

صباح العار و الهموم على شعب ضارب النّوم، لحية و قميص و الاّ تحت شوليقة مغموم، تنوير و تكفير و كلام مخروم، لا قراية لا رواية لا فعل مخدوم، فتاوي و غزاوي و راي معدوم، و العوج مغروس فيه خانس

صباح العار و البول على رئيس مهبول، لا زين لا طول، لا منطق لا قبول، زالعها في كلّ ما يقول، تقول بالعو و الاّ مثمول، القلب فيه مقتول، العقل منّو مسلول، كلامو كلام مزطول، و المخّ فيه ناعس

صباح العار و الصّبّار، عالمدوّن المحتار، الّي كان يكتب ليل مع نهار، معلّي صوتو جهار في النّهار، و عمناول ملقّي صدرو للنّار، خليل و فاطمة و جولانار، و لينا ومورو و خمّوس البهبار، يلقى روحو ملموم بالأخطار و الّي البارح ثوّار اليوم طلعوا تجّار، و حدّ ما فيهم على بلادو مغيار، لا يهمّو تفيض بوسالم لا تتحرق قابس

صباح العار على ها الرّهوط، من فوق عامل لحية و اللّوطى مكحوط، السروال مشمّر و المخّ مربوط، لا ريحة فاوحة لا شعر ممشوط، شادّين الثّنيّة من نهج مغلوط، لوّحوا البلاد لا قيود و لا شروط، رزاونا في الألمان و الطّلاين عالشّطوط، كنّا في بير زادوه أربعة حيوط، و.....، ولّى البلاء علينا كادس

20 commentaires:

veuve a dit…

ça fait du bien de te relire, bon retour !
tendrement :)

ولد بيرسا a dit…

merci :)

lina ben Mhenni a dit…

e suis vraiment très contente de voir un nouveau texte de toi . Ne nous prive plus de ce bonheur mon cher . C'est un plaisir !

Walidor a dit…

J'adore! Bravo!

baz2x1 a dit…

Sbe7ik foll ou yasmine, Chaya5tna bhal il kilmtine. Ou nchallah li blogsphère de nouveau malmoumine.

ولد بيرسا a dit…

@ Lina:
merci bcp Lina :) tu nous a manquée hier ;)

@ Walidor:
merci bcp :)

@baz2x1:
j'espère bien aussi, mm si on s'éloigne un peu, on finit tjrs par revenir!

Anonyme a dit…

يعطيك الصحة خلاصة القول حكيت على كل شيء في قلب كل تونسي تعبير صحيح bravo bien dit

ولد بيرسا a dit…

شكرا :)

Anonyme a dit…

اذا كان هذا يطيل في عمرك ايها الرفيق .. فاعلم انني لم انتحر بعد على مسرح التياترو و اني مواصل اقتراف اعمال اخرى على غاية من الريبة ..لا بل و لي رغبة فجئية في ان استاذن منك التواصل مع عدد من نصوصك النافذة ... تحياتي
توفيق الجبالي

Anonyme a dit…

اذا كان هذا يطيل في عمرك ايها الرفيق .. فاعلم انني لم انتحر بعد على مسرح التياترو و اني مواصل اقتراف اعمال اخرى على غاية من الريبة ..لا بل و لي رغبة فجئية في ان استاذن منك التواصل مع عدد من نصوصك النافذة ... تحياتي
توفيق الجبالي

ولد بيرسا a dit…

تفضّل سي توفيق، و بدون استأذان

حتّى و إن كانت آرائي جارحة تجاه شخصك عقب ذاك العمل الذي لم تتغيّر نظرتي نحوه في شيء، فإنّ تاريخك و حاضرك يمنعاني من أن أكنّ لك غير الإحترام و الإجلال.
و يشرّفني طبعا أن تتواصل مع كلماتي

مع محبّتي

bacchus a dit…

شكرا على هذا النص

ولد بيرسا a dit…

أهلا صديقي باخوس :) مرحبا

Anonyme a dit…

rien à dire à part :JE T'AIME .nounou

Med Arbi Soualhia a dit…

Bravo weld houmti, ça fait du bien de te lire

sonya.rebelde a dit…

brillant, piquant et percutant..comme il se doit. Bravo!

ولد بيرسا a dit…

merci les amis :)

واحد ايسالك حاجة a dit…

وحدك يا صاحبي ..يظهرلي ما كنتش غالط كي طلبت منك باش ترجع تكتب ...على كل.. احنا اوحلنا وحلة المنجل في القلة ..يعني يا تتكسر القلة ...با يتقسم المنجل ..والحلين وراهم ما وراهم ...مع تحياتي ...

entrümpelung wien a dit…

شكرا لكم .. دائما موقفيين ))
entrümpelung
entrümpelung wien

Wohnungsräumung Wien a dit…

شكرا لكم ..دائما موفقين..))


Wohnungsräumung
Wohnungsräumung Wien