mardi 16 septembre 2008

دعوة للمشاركة في استفتاء صغير

توّة مدّة و أنا نتبّع في الأفلام و المسلسلات التّونسيّة الكلّ
فمّا برشا حاجات عجبوني، برشا حاجات ما عجبونيش
و نظرا لسذاجة المواضيع الّي ديما تتطرح، عمري ما لقيت صعوبة باش نفهمهم و نحلّلهم و نعطي فيهم رأيي كيما النّاس الكلّ
أما فمّا حاجة وحدة مازلت ما فهمتهاش بالكلّ، و ما دخلتش لمخّي جمــــــلة......و هاذيكا هي موضوع الإستفتاء
لذا مرحبا بيكم، و تعملو مزيّة عاونوني على الإجابة خاطرني برجوليّة حرت.......؛
(أهوكا الإستفتاء عل اليمين، فوق المنقالة بالظّبط)؛
.
.
و شكرا

16 commentaires:

L'AsNumberOne a dit…

Non mais franchement, il y a pire...

Adem Salhi a dit…

شكونو محمد علي بن جمعة؛ نسخايلو واحد من طالبان؛ محمد او علي او زيد نهار جمعة؛ ناقصة رضي الله عنه
ههههه

ولد بيرسا a dit…

ههههههههههه
لا لا هذا جاء بربّي يتعلّط عالتّمثيل و برّا، موش عالدّين

Anonyme a dit…

ماأمسطك يا أدم الصالحي. بعد ما عرست وليت ما أسخفش من عقلك. يضهرلى هذا سلوك تعويضي على اللي صايرلك في الدار. خلينى ساكت خير مللى نفضحك قدام الناس.

kmaira a dit…

non mais qu'est ce quetu as contre lui ehhhh:)))))jaloux:P
sérieux comme a dit as de coeur il ya mille fois pire,
il n'est pas aussi mal que ça, je l'ai vu ailleurs, il a bien joué des rôles, et c'est tjrs la faute du réalisateur s'il n'ya pas une bonne interprétation; kit a refaire 100 fois...

Sofiene Chourabi a dit…

والله تظلمو فيه الراجل وتعطيو فيه في اكثر من قيمتو عامليلنو استفتاء وطاولة وكراسي.

Anonyme a dit…

الزح خلّي الراجل يخدم على روحو
علاش ما تعملش استفتاء على أكبر قطعي في البلاد و إلا أبهم قائد في العالم وإلا أجبن و أجهل و أتفه شعب ؟

Anonyme a dit…

Meskine errajel , 3lech hakka ?
yodhhorli 3andek 7aja contre lui walla kont ta3rfou 9bal ;)
pour ce qui concerne son metier d'acteur, je trouve qu'il n'est pas mal, on le voit dans deux roles ce ramadan (le premier dans maktoub, et c le fils de Sonia Meddeb, c un petit role jusqu'à maintenant, c vrai qu'il n'a pa montré un talent extraordinaire vu son role qui n'etait pas trop présent mais il y a pire comme a dit as de coeur; Sinon le second role c dans Choufli 7all et c le fiancé de Dalanda, et pareil, c vrai qu'il est un peu froid qd on reflechit , mais pas au point de le classer comme "a5yeb acteur"
Et à chacun son avis bien sur :))

Anonyme a dit…

ti yezzi 3ad!
esse3a bogoss:)
en plus c'est son histoire qui le porte, en le voyant, tous se rappellent jounoun, magnifique piéce!!!

Anonyme a dit…

الى ابليس اللى باش يطرد آدم من الدنيا
ابدعت المرة هذى في اختيار الاسم يا بسيكو بالحق ما تنجم تكون كان ابليس ملعون ملعون ملعون في القراءات الدينية الكل
واما التدوينة يا ولد بيرسا خلى الممثلين ياكلو خبز ياخى على كثرة الانتاج الدرامى متاع البلاد وبن جمعة ابدع في جنون

ولد بيرسا a dit…

السّاعة انا سي دالي بن جمعة لا نعرفو لا عمري ريتو و ما عندي شيء ضدّ شخصو
أما تقولولي أبدع في جنون... تي ياخي اش مثّل هو، ماو واحد ديبيل يتهوبل علينا. و ثمّ بربّي فيلم هو هاذاكا؟؟؟
و زيد راهو لا نحبّ نقطعلو خبزتو لا شيء، هو الّي يقطع في خبزة ممثلين خير منّو ب 4000 مرّة. ولّيت نشوف فيه أكثر مالّي نشوف بابا :-)))) ....؛
الحاجة الوحيدة الّي هو مزيان و يعجب البنيّات، أكاهو، ما عندو شيء آخر... ماسط لاسط يجيب الكبّي، تقول نهار احد عشيّة بلاش كورة
و زيد هو الرّاجل مكهّب عالأربعين و عاطينو دور طفل عمرو 20 سنا، يا ممّا يا ببّا
ان شاء الله برجوليّة تمشي امورو رمضان السّنا خلّي يمشي يحلّ مشروع آخر و يخطانا من تمثيلو الحموم

Anonyme a dit…

:)

Anonyme a dit…

ولد بيرسا
جنون المسرحية يعطك دودة
وزيد تقول مثل واحد ديبيل يتهوبل علينا
تعرف يوميات خطاب فصامى للدكتورة ناجية الزمنى اللى ماخذين منو المسرحية قداش قعدت تخدم فيه اكثر من 25 سنة وهى اتبع في حالة نون ها الديبيل اللى يتهوبل عليك واتصور انت التقمص بتاع بن جمعة للحالة هذى ولها الشخصية المركبة في عمل مسرحي
على كل انك تناقش العمل المسرحي بمصطلحات كيف من هكة يمنعنى انى نواصل نحكى معاك فقط نقلك
ما عندى ما انقلك انت فين والحب فين

ولد بيرسا a dit…

إلى أنونيم الاخّر
و الله تواصل و الاّ ما تواصلش هاذيكا أمورك
أما باش تقلّي بن جمعة مثّل مليح خاطر ناجية الزّمني قعدت تخدم فيه 25 سنا؟؟؟ ما فهمتش شنيّا العلاقة
قلت يتهوبل، على خاطر أسهل من الدّور هاذاكا ما فمّاش.
كان جاء بالحقّ ممثّل راك تصدّقو في أدوار بسيطة كيف الّي يعمل فيهم السّنا
جنون واتاه على خاطر تماشى بالقدا مع تفاصيل وجهو لا أكثر لا أقلّ
و فرضنا الّي هو نجح في جنون..... ننساو الّي هو عمل العار في ال 5000 دور الأخرين؟
شوف خويا: هاذاكا ما يجيش ممثّل، كي يشعّل صوابعو شمع.... و ماخذ أدوار كانو غيرو ينجحو فيهم 100 في ال 100
أما آش تحبّ تعمل؟؟؟؟ سعود......؛

Anonyme a dit…

ولد بيرسا
ما تقولنيش في اللى ما قلتوش قتلك الدور مركب وصعيب جدا متاع واحد عندو انفصام في الشخصية وعايش الهذيان ويقاوم في المرض تصور اى حد عندو تعابير وجه محمد على بن جمعة يمثل هاك الدور ؟ مستحيل لانو الانفعال متاع الممثل يجى من الداخل وينعكس على الجسد موش العكس التقمّص متاع شخصية نون في مسرحية جنون بعيد عن التقمص السطحى متاع قهواجى متعدى بطبق في الحومة وبعيد عن الادوار اللى ممكن تعرضنا كل يوم
ثم سميلي خمسين عمل من ال5000 اللى تحكى عليهم انت وخدمهم بن جمعة راهو مانيش ندافع على شخصو اما احنا عندنا دراما عندنا انتاج درامى تى مانا من رمضان لرمضان كان تهردت يمثل العبد في زوز سكاتشات ومسلسل ويتسمى سلكها يدبر راسو في وسط العام بعرض مسرحى مدعم من الوزارة والسلام ياخى على هاك النصوص الهدرة اللى باش يعملك خدمة اتفتّق
دعه يعمل دعه يمر يرحم بوك

ولد بيرسا a dit…

هههههه
سوف أدعه يعمل، سوف أدعه يمرّ..... على خاطرك يا سيدي
:-))))))))))