mardi 18 octobre 2011

أنا اخترت "دستورنا"...، و هاو علاش



أوّلا على خاطرهم ناس ما يحايلوش: الّي فمّا فمّا. ناس يقولوا أفكارهم بكلّ وضوح من غير خطاب مزدوج باش يرضّي فلان، و ما يغشّشش فلتان، و ما ينبزش لاخر، و يرمي كلمة منّا لواحد، و يزلّق جملة أخرى لواحد آخر، الخ.... لا لا هاذا الكلّ ما فمّاش

ناس ديراكت، واضحين، صادقين، شجعان، و ما عندهمش هاك اللغة المضروبة متاع...، وذني
(pour ne pas dire autre chose)

هاذي حاجة

ثاني حاجة و الّي هي أهمّ ببرشا، البرنامج متاعهم: برنامج حداثي بالحقّ، ينجّم يخرّج البلاد مالوضع الغامض و الأعمش الّي هي حياتها كاملة عايشة فيه.

حياتنا الكلّ عايشين في حالة "حسب التّقريب"، في توازن هشّ
(équilibre fragile)
تمسّو منّا يطيح، تمسّو من غادي يطيح

حالة خلاّتنا ما نستعرفو كان بالتعليمات و العرف و الممارسة و العادة (السّرّية و العلنيّة) في بلاصة القانون و الحقوق

ديما و أحنا يا إمّا خايفين و الاّ حاشمين. حتّى لين الجّد متاع دين بونا تنحّى و أحنا باقي حاشمين. الدّنيا راكضة بيها فرس و أحنا ميّتين بالحشمة. لين رصّاتلنا يكف النّعام: روسنا في التراب و ملقــّين ترمنا للرّيح، و أحنا باقي حاشمين

جماعة "دستورنا" يمّـنوا بالحقّ بالحرّيّة الكاملة لكلّ فرد (بما فيهم الـ 80 في الميا متخلّفين ذهنيّا من الشّعب) و يضمنوا جدّيّا حقوق المواطين الكلّ، من أقوى مهندس عندنا في البلاد، حتّى لآخر بوجادي يتسهْوك بين ربوع الخضراء

البرنامج هاذا يضمن بالحقّ كوْنو البلاد ما تعاودش تاقع في أيّ نوع من أنواع الدّيكتاتوريّة، بما فيها الأوليغارشيا متاع "أصحاب المخالي"، و الّي يسخايلو الّي كيف الواحد يربّي لحية مشعّثة تقولش ملصّق قطّة معدنوس على منظرو، ديراكات يولّي طيّارة و ما ننطقو اسمو كان ما نصلّيوا عالنّبي 3 مرّات

البرنامج هاذا يحترم المرأة و ما يعتبرهاش كائن ثانوي، رديء التّكوين، ناقص عقل، منعدم الذكاء. ما يختصرهاش في بزّولتين و ترمة و طرف أرحام. البرنامج هاذا يعتبر المرأة بشر كيما الّراجل، و كيما عندها نفس الواجبات لازم تاخذ نفس الحقوق.
و الباقي متاع البرنامج هاو هوني، الّي يحبّ ينجّم يقراه (و أهوكا ماللّوطى بالعربي و بالسّوري، باش ما يكونش فمّا سوء فهم)

بالطبيعة ماهو الاّ مسودّة، مازال فيه برشا تعيدلات خاصة من تالا الشّكل و التحرير، لكن الأفكار العامّة و الخطوط العريضة واضحة، و ما فمّاش لا حيلة لا تشيطين

حاجة أخرى زادا بالنسبة للناس الّي يحبّوا التــّوارخ (و الّي شطرها مزيّفة اليوم) الناس هاذوما نظاف يللّشوا. بحيث مثلا وقتلّي جماعة مناظلين بودورو متاع ولت البارح راكشين و أخطى راسي و أضرب و البوليس متاع بن علي يصول و يجول، وحدة كيف زينب فرحات (الثانية في قائمة تونس 2) و جماعتها يعملوا في الإجتماعات بالسرقة، و يوعّيوا في العباد، و يوصّلوا في صوت المقهورين متاع البلاد (بما فيهم البهايم الّي توّا داروا عليها و علّي كانوا يدافعولهم على حقوقهم) و هوما البوليسيّة يحصّروا فيهم، مالتياترو، لهاك الفيلاّ الّي مقابلة بن يدر، للبرطمانات متاعهم، الخ...؛

معناها ناس تمّن بالحقّ بالحريّة و بالمساواة و بالعدل، موش كيف هاك الّي يمخوروا و يشمّوا، و يحكيوا لكلّ واحد الحكاية الّي يحبّ يسمعها و من بعد يدوروا عليه

و يا أخي أحنا وصلنا حتّى لهوني، موش باش ناقفوا في شطر الطّريق و نعاودوا نتكركبوا ألف عام لتالي

وأخيرا، كيما قال هاك الوليّد "المتنبّي"

إذا غامرت في شرف مروم ـــ فلا تقنع بما دون النّجوم

ولد بيرسا مع "دستورنا" و يحبّ البلاد تنقّز القدّام، موش توخّر بالتّوالي.

الّي مازال حاير و ما عندوا ثقة في حدّ، ينجّم يجرّب "دستورنا" ...، ما يخونوهش. كلمة رجال

32 commentaires:

Anonyme a dit…

Moi aussi je suis avec doustourna, Jawhar ben Mbarek est confiant et réaliste.

ano1 a dit…

كلامك فيه ما يتسمع ...اليوم قاعدين نكتشفو في مشروع ..ولد بيرصة السياسي ..الحكاية مرهونة في التنقل من قدام الشاشة..للميكرو قدام ..اكا 80في 100 اللي تعرفهم ..ثماش ما تتشبب الامور...مالاخر.. نستناو السنين الجايا حزب .. ولد تونس براسة ولد بيرصة...واحنا معاك ...في الانتظار هانا معاك ومع ..دستورنا..مع تحياتي

ولد بيرسا a dit…

ههههههههه لا خلّينا مع دستورنا توّا، خلّي مازال بكري عالميكرو
:-P

Anonyme a dit…

Ton parti n est pas present dans toutes les circonceptions il est donc faible et ce n est pas un choix strategique si gt toi j y repenserai

ولد بيرسا a dit…

les voix s'amassent une à une, avant et après.
avoir une voix comme celle de jawhar ben mbarek ou de zeineb farhat au sein de la constituante me semble important. c'est pourquoi je leur donne ma voix, et j'espère qu'on sera nombreux :-)

ولد بيرسا a dit…

هههه لا صوّت و آش يهمّك
:-)

Z Y E D a dit…

J y penses serieusement.. as tu son cv?

ولد بيرسا a dit…

non je n'ai pas les CV, mais le plus important est le programme. le lien est celui là:
http://www.doustourna.org/index.php?option=com_content&view=category&layout=blog&id=34&Itemid=54&lang=fr

en y pensant bien, je pense que c'est une très bonne alternative.

et puis inchallah marbouha! avec ou sans eux, le plus important est qu'on avance, pas qu'on recule ;)

Anonyme a dit…

WAHNA ELLI MAANNECH DESTOURNA FI DACHRETNA, CHNAAMLOU, NEKHTAROU WEHED MEN HEKEL LKOHRINE ELLI HKIT ALIHOM OU BARRA????

ولد بيرسا a dit…

ابعد عالخوانجيّة و التجمّع و ازدم :-) فمّا البديل الثوري (حزب العمّال) ماهمش خايبين حتّى طرف
:-)

Anonyme a dit…

je pense que le DPM a des idée assez proches de destourna, dans l'idéologie du moins, non?

ولد بيرسا a dit…

absolument! ils sont très bien aussi.
ils sont tous bien.
sauf évidemment les 5wenjias
moyenâgeux (et ils le sont tous) et les RCDistes :)

Anonyme a dit…

Le tour est joué, soit. Mais regardons et analysons avec objectivité et recul.
Trop d’erreurs accumulées :
- Au moment ou la nahdhaouistes profitaient au maximum de l’ignorance et de la misère de la majorité des Tunisiens et racolaient par conséquent les voix en brandissant le slogan « parti de dieux », les modernistes s’« entretuaient honnêtement » politiquement parlant.
- Au moment ou les nahdhaouistes manifestaient contre persepolis, les modernistes le faisaient pour la liberté d’expression, sauf qu’ils les font passer pour des pro-Nessma tv et anti-allah.
Résultat : un peuple non cultivé qui sanctionne aux urnes.

Cela dit, Non seulement rien ne me surpris, mais je suis plutôt optimiste :
- Même les nahdhaouistes les plus malhonnêtes n’oseront jouer sur la constitution, leurs promesses sont toutes récentes et une année sera trop courte pour déjouer les mémoires.
- Le CPR va les emmerder.
- Ils n’ont pas les compétences de gérer les postes clés, s’ils excluent les technocrates, ils vont se faire casser la gueule d’ici les élections prochaines.
- Ils vont être sanctionnés par ceux même qui les ont voté à condition que les modernistes s’y mettent, s’unissent et apprennent à se « prostituer » politiquement.

NB: J'ai voté Pole, mais rien n'empêche un rassemblement avec Dostourna, PDP, Takatol, Afek ...

ولد بيرسا a dit…

@ Anonyme:

J'espère que ce que tu racontes soit plus de la clairvoyance que de l'optimisme et de l'espoir, parce que j'ai de grands doutes sur l'avenir proche.
Mais bon, ne dit-on pas qu'un optimisme, même excessif, vaut mieux que le doute?!! :-)

je pense que cet échec (parce que c'en est un) est dû à beaucoup plus qu'une campagne ratée. Il est principalement dû à l'ignorance de la grande majorité des tunisiens, et c'est ce qui nous a fait tomber dans ce déséquilibre. Et cette ignorance, il faut des décennies pour la balayer.
Il y a un vers de Al maarri qui explique bien la situation:

لكل داء له دواء يستطبّ به --- إلا الجهالة أعيت من يداويها

Et puis il y a cette assurance et cette consolation qu'on trouve dans la religion pour estomper toutes les incertitudes qui commencent à jaillir de partout et qu'on a du mal à saisir.
les gens ont peur de voir leur quotidien défiguré par tous ces changements qui défilent trop vite, et c'est comme s'ils veulent tirer un peu les rênes du pays pour arrêter sa croissance trop rapide!
Nous ne sommes tout simplement pas habitués aux changements.

On a commencé à vivre une vraie liberté, une vraie citoyenneté, une vraie démocratie, mais apparemment ce n'est pas du gout de tout le monde!
On dit que les passions arrêtées dans leur essor, produisent une réaction proportionnée à leur vivacité. J'espère que ça ne sera pas le cas pour nous, et je vais continuer, tout comme toi, à espérer...

PS: une coalition entre PDP, pôle, Afek, etc... serait une grande erreur. il faut que chacun continue à bosser et commence à corriger ses erreurs. Des arrangements pourront être faits au moment des votes au sein de la constituante, mais pas plus.

Anonyme a dit…

De ZBZ.
Weld Byrsa, je n'aime pas ton silence ni celui de tous les modernistes ...
De toute façon, à qui en vouloir : A une majorité misérable et ignorante, à une bonne partie cupide ou au discours des modernistes qui n'a pas su fleurter avec la masse ?!!!

ولد بيرسا a dit…

à tout ça à la fois certainement.
pour le silence, il n'est que temporaire, de toute manière rien ne presse maintenant :-)

Anonyme a dit…

ya weled byrsa inchallah aidek mabrouk.NOUNOU

ولد بيرسا a dit…

aidek mabrouk Nounou :-)

Anonyme a dit…

bonne année wild byrsa .NOUNOU

ولد بيرسا a dit…

Bonne et heureuse année à toi Nounou :-)

Anonyme a dit…

weled byrsa depuis un moment tu n'écrit pas ,aujourd'hui j'ai envie de lire ta position à propos de la libération de pédophile récidiviste le frère de ministre de la justice ,personne n'ont parle et ça me fait mal qui défend les enfants de la tunisie et nos principe .NOUNOU

ولد بيرسا a dit…

Mon avis est celui de tout le monde je pense, mais j'en parlerai ici.
bonne journée

Anonyme a dit…

weled byrsa merci de m'avoir répondu ,hier il y a une vidéo qui a cerculé sur ali juste pour détourner le regard des tunisiens sur le vrai problème de pédophile et sur la discussion de la création de police religieuse de morale à l'iranienne .au plaisir de lire nos blogueurs monté au front comme avec l'ex gouvernement de zaba sinon la tunisie est perdu et le sang des martyrs va laisser place au pédophile et violeur et extrémiste .savait vous que les filles égyptienne ont mit le voile parce que le nombre de viole est trop fort ,faite votre recherche pour voir combien de violeur et de pédophiles ont été libérer contrairement au vendeur de vins que n'ont pas eu de grâce.NOUNOU

Anonyme a dit…

http://youtu.be/t0eQL5R3bw4

ولد بيرسا a dit…

:-))) good proceeding! but I never make bad things..., everything I do seems to be good :-P

Anonyme a dit…

chbik seket?

ولد بيرسا a dit…

الكلام ما حبّش يخرج

ano a dit…

نهارك زين...والا السلام عليكم ..على خاطر البارح قلت من غير مانشعر صباح الخير وانا داخل للعطار ..رد علية واحد وقالي ..وعليكم السلام ..يعني افهم وحدك ..المهم الامور الخاصة والعامة مبلبزة....و مستحيلة حتى عند ولد بيرصة ..ومتخونجة ..ومتسليفة ..ومقوشة.. قصدي شادة اليسار .. وغير امنة..وغالية..ومتكوسدة..
حلها.. ..ترجع تكتب ..اكتب عالحب..عالماضي..على الجغرافيا .على التاريخ..على اللي تحب ..المهم ارجع اكتب..

ولد بيرسا a dit…

هاني نحاول :-)

Anonyme a dit…

http://youtu.be/FF6G95h77zw

Anonyme a dit…

قبل ما تاخذو حتى موقف أقراو القران الذي هو آخر رسالة من الله سبحانه و تعالى الذي خلقنا جميعانحن وأنتم والنهضاوين والسلفيين أقراو القران يوميا و بتمعن و فهم على الأقل اختموه مرة كل شهر قمري وبعد ذلك كونوا فكر و حزب و فكروا باش تحكمو انتم أو غيركم

Entrümpelung wien a dit…

شكرا على الموضوع ..))