jeudi 28 juillet 2011

... عدّل القدر



بحقّ لون الجنان خلف الجفون...؛
بحقّ روح الجنين ملء البطون...؛
بحقّ جرس الجنون قبل السكون...؛

بحقّ سحر البروق وسع الديار...؛
بحقّ ذاك البريق خلف الستار...؛
بحقّ ركض البراق نحو الدمار...؛

بحقّ نور الشرق فورا تغيب...؛
بحقّ نير العنق يغوي الحبيب...؛
بحقّ نار الشّوق تحمي اللّهيب...؛

بحقّ دور العذارى وسع الجيوب...؛
بحقّ دير النصارى بعد الغروب...؛
بحقّ دار الاُسارى صهرى القلوب...؛

بحقّ كون السّرايا يخشى الصّدى...؛
بحقّ كيْن الصبايا شوقا ندى...؛
بحقّ كان البقايا ندما ردى...؛

بحقّ كلّ صلاة تغازل القدر
بحقّ كلّ حبّات مياه المطر
بحقّ كلّ دموع عشّاق القمر
بحقّ كلّ كؤوس روّاد السّهر

بحقّ كلّ ما كان .........، عدّل القدر

27 commentaires:

ano a dit…

حصيلوا....وحدك كتحب تنقش ...جوك وانت تكتب حلو برشة ... يظهرلي يلزمك قعدة .والا زعمة خليك في المهومة خير..

ولد بيرسا a dit…

شكرا أنو يعيشك
ميسالش، خلّيها في المهموتة كان تحبّ
:-)))

ولد بيرسا a dit…

@ ano:
انّجّم ننشرو التعليق متاعك؟
على خاطر يبيّن بكلّ وضوح وضعيّة خطيرة و مخجلة في البلاد عام 2011

ولد بيرسا a dit…

@ ano:
bien reçu.
merci ;-)

Anonyme a dit…

be hakki thekrayatena wa hobbina el gamil (la chanson de najet) bravo byrsa c'est magnifique .

ولد بيرسا a dit…

@ anonyme:
merci bcp :-)

ولد بيرسا a dit…

@ ano:
مازال شويّة :-)

ano a dit…

صحة شريبتك ان شاء اله ماتقولش اشبيه كبش كالقذافي هالمرة ...كل ماثمة في الامر اني القصيدة هذي حسيت ..فيها.. اوجيعة ..على خاطر 19 اسطر مليانين ابرشةاحاسيس وبرشى جواجي ..كيما اقول خونا حطاب..دجي بعدهم الجملة ...ام 5 كلمات ..اللي سكر بيها اللعب وضيعتنا جملية...
على كل يعطيك الصحة..
ونصيحتي ليك ..اعمل كيما طالبة الثورة
يعني المصارحة والنقد الذاتي..وهاذي يلزمها رجال .. قلوب الجمال والمحاسبة بشوية لين ورحمة...ومحبة.ويلزمها قلب كبير.. وبعد دجي المصالحة واللي فيها برشة دموع وفرحة وسؤالات خطيرة جدا قال رزوقة...ايا نقراولك وما اطولش علينا ..يا فنان

ولد بيرسا a dit…

@ ano:
تعرف، الكلام ساعات يصعب باش يخرج
أما هاني باش ناخذ بكلامك صاحبي، أما كان زادت خلات، اتحمّل مسؤوليتك :-)

ano a dit…

يا سيدي مايصعب عليك صعيب ...اذا ولد بيرصة بصعب عليه الكلام ..اش يقول اللي يستوحي كلامو..وفكرتو.. من شعر وتدوينات ولد بيرصة
..وفي خصوص المسؤولية ..راني معاك حتى في المهمومة ..وعن بعد. على خاطر صاحبك مدمر وطايح مالسلوم ..وماشي عالشوك..
وفي خصوص كلمتك .: كان زادت خلات..نقلك الدنيا هاذي راهي عركة كبيرة وماينجح فيها كان اللي عندو جاش ويعرف يعطي الروحو اكثر من فرصة..والواضح اللي بعض الامور عندك مبلبزة شوية ..لذا نشاءالله تلقى في كلامي حجة تصلحلك ..كيما خذينا ماللي تكتب فيه ...مع تحياتي

سراج a dit…

يارب يارب يـــــــــــــــارب.. إستجدب دعاءه
مناجاة رقيقة:)

ولد بيرسا a dit…

@ ano:
اللطف على صاحبي :-)
أما عندي أنا الدنيا ماهاش عركة، الدنيا لعبة، ساعات تربح، ساعات تخسر و تعاود تقوم و تلعب، و ساعات تخسر و ما عادش تنجّم تلعب و تخرج إلى الأبد
على كل، كلامك الكلّ يصلح و ما تغيبش برشا عاد :-)

@ سراج
شكرا سراج :-) مرحبا بك

ano a dit…

هاالمرة مانيش موافقك .يظهرلي الحكمة خاينتك.. وليت تنجم تغرق في كاس ماء ..عندك اسبابك ..الحياة ياصاحببي ماهيش طرح نوفي في الخربة او لا طرح روندا في قهوة الجقني ..او لا طاولة بوكار في قصورات قمرت ..ولاهي دربي بين الجناح لخضر و ربط المصران..الحياة ..هدفها الاول والاخير هوما الخير والمحبة ..وساعات مايتوفرو الا بعد ما اشرشر الدم كيما صاير في طرابلس ودمشق..ولد بيرصة يغلط كيف يقول الحياة لعبة..على خاطر ما انجمش اكون مقاوم للجهل ومناضل ضدّ الخوف و الطّمع و الخمول ...ومناشد للحرّيّة....من اجل لعبة..على خاطر زادة الحياة ما تكون بكل بساطة لعبة كان عند القمار ..والا الجماعة اللي اشبهو لبن علي ..يبقى يلعب مدام ماشية معاه ..وي قطع وقت اللي الدور عليه الكارطة ..على كل.. كنت نتمناك تقول اللي الاهداف .الصحيحة واللي تتطلب التضحية ..هي اللي تخلي الواحد كي يطيح احاول يسال روحو علاش طاح ..وي عاود ..والطفل الصغير لوكان بعد الطيحة العاشرة ايبندل راهو ما ثم حد واقف على ساقيه...مشكلنا التوانسة ..غرورنا اخلينا ما نحاولوش نفهمو الاخر..على خاطر ما علموناش النقد الذاتي ..واكبر دليل عمركشي سمعت تونسي اقلك راني غالط ..الثنية الصحيحة يلزمها تكون واظحة عل القل عند بعض مستويات ...ان شاء الله ما كنتش ..
قاسي معاك ..راهو موش هاذاك المقصد....المقصد الخروج مالحيرة وتحديد الاهداف ..ووبلوغها ..مع تحياتي

ولد بيرسا a dit…

@ ano:
laisse moi encore qques heures pour te répondre :-)

ano1 a dit…

غبت على خاطر ثمة ..انو. اخر.. يحاول يكون على الخط ...هاني ساعة ساعة نقرى تعليقاتو ..قريبلي في اللغة ..اما الاهداف ..واضح انها مختلفة ..يالله.ولد بيرصة يعرف اغربل.. مع تحياتي ..

ولد بيرسا a dit…

:-)

ano1 a dit…

تعرف، الكلام ساعات يصعب باش يخرج
أما هاني باش ناخذ بكلامك صاحبي، أما كان زادت خلات، اتحمّل مسؤوليتك.....

مازلت عند وعدي ..بعد 23 اكتوبر... قلي نتحمل مسؤوليتي .ولا ..صاحبي طلع ..الطرح صعيب عليه..مع تحياتي

dorothi a dit…

الطرح صعيب

ولد بيرسا a dit…

:-) الطرح مستحيل

dorothi a dit…

pourquoi ce pessimisme, certes on se trouve dans une impasse, mais on peu sauter par dessus les murs!
je reste optimiste malgré tout

Anonyme a dit…

pffffffffff
c'est pas ça la vie!

ano a dit…

تحياتي لولد بيرصة..عندي مدة عالبلوغ ...ورجعت ..ياخي لقيتك وليت تحكي عالمستحيل ...وانت شعارك مقاوم...يا صاحبي ..ساعات تجيبها سبيبة وساعات تقطع السلاسل ...خمم و ركز في السبيبة..واتفكرني ...يمكن حكايتك كبيرة في تصورك انت برك...وماتنساش رانا عملنا ثورة ا..ياراجل فتلك ..سهلها تسهال ..حتى ..دوروتي..معايا في الخط ...
(مع الملاحضة انو السبيبة هي شعرة الفرس ...كانك بلدي برشة...)

ano a dit…

سنة سعيدة

لولد بيرصة ...واللي يقراولوا الكل ...
....مع التمنيات بالنجاح ...بعد مراجعة اللي فات طبعا ....

ولد بيرسا a dit…

كل عام و انت حي بخير أنو
المراجعة كل يوم، و ان شاء الله ننجحوا :)

ano a dit…

عند العرب ...ان شاء الله ..تغبد جتما الشك ...

ano a dit…

آش نوا ..يا صاحبي ..يظهرلي ما تعدل عندك شي ...وانا مشا في بالي في بالي تنجم تسلكها مهما تعقدت ...

ano a dit…

بحقّ كلّ صلاة تغازل القدرب
بحقّ كلّ حبّات مياه المطر
بحقّ كلّ دموع عشّاق القمر
بحقّ كلّ كؤوس روّاد السّهر

بحقّ كلّ ما كان .........، ارجع اكتب
....رانا توحشنا اكا القليم ....تي بربي هي كازدة ..ونزيدوا عليها ..تحياتي