jeudi 3 décembre 2009

... حكايات قديمة


فمّا حكايات قديمة، فمّا أيّامات ما يتعاودوش ديما، أيّامات قصار، أما ليهم في القلب قيمة.

صحيح فيهم الفالصو و فيهم البريمة، و فيهم الّي تحسّ روحك مجنّح و فيهم الّي تتحبس على كليمة. أما رغم المرارة و العزارة و سوء الدبارة، كيف تتفكّرهم، وجهك يصوّر تبسيمة و تقول: عالأقلّ العمر ما مشاش خسارة.

أما تعرف.... الأيام فيسع يدورو و كيما فيهم الغالي، فيهم الّي بو دورو، تنسى معاهم الوجيعة و الدمعات الّي كانو في اللّيل يثورو، و تقول: الّي باعك بالفول بيعو بقشورو، أما... ما تنجّمش

ما تنجّمش على خاطر فمّا حاجات ياسر قويّة، لا يفهمهم عرّاف و لا طبيب قاري في الكلّيّة. حاجات... حاجات كيما ضحكة على حكاية ذهبيّة: من داخل يمكن قبيحة و فيها برشا عوج في النيّة أما كي تثبّت مليح، تلقاها صافية نظيفة و نقيّة... و الاّ كيما دولاشة بين زناقي الكتب و الكلمات المنسيّة، و قتلّي تمسح الغبرة على عنوان فوق ورقة مرميّة، تسمع ضحكتو و تحرقك غزرتو و يقلّك: ما تحقرنيش، أقرب بحذايا شويّة، مازال عندي ما نحكي، توحّشتكم...، عنّقني بيدّك القويّة.
و الاّ كيف تدخل لظلام المدينة و تاقف قدّام تصويرة و الاّ تحت صبّاط وقت الشتاء (المطر) الغزيرة و تسأل روحك بين يقين و حيرة... "كيفاش انّجّم ننسى؟"

ما تنجّمش زادا على خاطر وقتلّي يحضر العيب، و يتقالّك كلام للهمّ يجيب... كلام يفسّخ الضحكة و يزرع البكاء و النحيب و يخلّيك تقول: يا عالي ماصاب أجلي قريب. وقتها تحسّ روحك عليل و تشوف راسك نبت فيه الشّيب، من صاحب عطيتو جنبك و طلعلك غدّار خدّاع كيف الذيب... أما بعد ما تهزّ و تحطّ و تخلّي الفكرة تطيب، تعرف الّي ماهو إلاّ بشر، و البشر بالطبيعة يخطا و يصيب، و تقول نعرف الّي العقل يحضر و يغيب و خلّي عالأقلّ قلبي صافي، أبيض كيف لون الحليب.

أما تعرف الّي فمّا فرق و الّي الناس الكل موش كيف كيف...، فرق بين الّي بايت وحدو و الّي معنّق الحبيب، بين الّي بجنبو أمّو و بين الّي تربّي ربيب، بين الّي بوه يكنس و بين الّي بوه طبيب، بين الّي العالم بلادو و بين الّي في بلادو غريب، بين الّي عامو بلاطة و بين الّي عامو خصيب، و بين الّي بايت شبعان و بين الّي صغارو بالشّر و هو يدعي يا ربّي يا منيب



14 commentaires:

Zorbouzara a dit…

Berjoulia Weldbyrsa CHAPEAU.

ولد بيرسا a dit…

:-))) يعيّــشك زربوزارا

Mouadh a dit…

magnifique!!

ولد بيرسا a dit…

merci Zambala :-)

Anonyme a dit…

من صاحب عطيتو جنبك و طلعلك غدّار خدّاع كيف الذيب...
C'est trop injuste...

Youssef a dit…

vraiment héyla :)

ولد بيرسا a dit…

@ anonyme:
ce n'est pas injuste, ça peut arriver. et souvent même!

@ youssef:
chokran jazilan :-)

Nadia a dit…

Salut
D'habitude je ne laisse pas de commentaire sur tes posts malgré que je lis ton blog régulièrement...
Mais là, je voulais te dire Bravo et Chapeau, tu as un style d'écriture vraiment au top et que j'aime beaucoup.
Il y a eu une période où je n'ai pas réussi à accéder à ton blog je ne sais pas pourquoi...
Mais Je t'encourage vivement à continuer et même à écrire plus fréquemment.
Le monde d'aujourd'hui et surtout notre Tunisie en valent la peine...

ولد بيرسا a dit…

@ Nadia:
merci bcp pour tes compliments, ça me touche vraiment :-)
je vais essayer de faire de mon mieux.
encore merci!

weld el 7alfaouin a dit…
Ce commentaire a été supprimé par un administrateur du blog.
Anonyme a dit…

vraiment supeeeeeeer poste ya3tek saha

Anonyme a dit…

Salut, ton blog est fort sympathique, j'aime ton humour corrosif, avec les temps qui courent nous avons grand besoin, j’en suis sure que les gens y sont plus sensible...

Anonyme a dit…

juste une petite remarque concernant le film Bouzid, Zran et Boughdir ne sont pas des références dans notre cinéma c’est une bande d’enfoirés qui se font du blé sur le dos de nous autres contribuables, puisque la subvention vient du ministère de la culture, donc des fond public...

ولد بيرسا a dit…

merci pour les commentaires :-)