dimanche 4 octobre 2009

في بيرسا: معلّم يكسر يد تلميذته لـ"تأديبها"...؟؟؟


من غير تقديم و لا صياغة لغويّة و لا تركيب للنّص و لا شيء:

المعلّم هاذا إسمو "الصّادق الغمري" و يقرّي في المدرسة الإبتدائيّة متاع قرطاج بيرسا. تقرى عندو تلميذة إسمها إيناس.

كيف ما التّلامذة الكلّ، إيناس شوّشت في القسم، و الاّ يمكن ما تبّعتش مليح الدّرس و الاّ حاجة هكّا، و كيف ما المعلّمين الكلّ، سي الصّادق هاذا يلزمو يعاقبها.

ياخي سي الصّادق باش يعاقبها، آش عمل؟

نزل على الطّفلة بعصا حتّى كسّرلها يدّها !!!

إي نعم!...، كسّرلها يدّها، و شويّة لا سقّطها. على خاطر حسب ما قال الطّبيب: كيف ضربها، فمّا عظم تقلب و كان ينجّم يمسّ علبة إذا تضرّت صعيب باش ترجع كيف ما كانت.


(صورة للمعلّم المتوحّش، وقتلّي كان يقرّي فيّ عام 88)

كيف سإلت عايلتها شكيتو و الاّ لا، قالولي: لا، فكّ علينا مالمشاكل، و زيد مرتو جات تطلب في السّماح، الخ...

الحقّ، شدّيت صحيح باش يشكيوا، و ياخذوا حقّ بنتهم و حقّ الصّغار الكلّ الّي يمكن من بعدها هي ينجّمو يتضرّو كيفها و الاّ يمكن أكثر منها...، قالولي لا، شيء، أخطانا مالشّوَه و تو تبرى البنيّة و لاباس.

أما السّؤال الّي مهبّلني: توّا كيف عايلتها ناس ملاح ياسر و حشموا باش يشكيوا، و الاّ خافوا و الاّ الله أعلم،

المدرسة الّي عندها وجوب حماية التّلامذة الّي في وسطها، فيني وقتلّي معلّم يعتدي على تلميذة بالطّريقة هاذي؟

يلزمنا نقعدو نستنّاو حتّى لين معلّم يقتل تلميذ و الاّ يخرّجلو عينو و الاّ يخلّيه على كرسي باش نردّو الفعل؟

و الطّبيب الّي عملّلها الجّبيرة فينو؟ ما يلزموش يعلم السّلطات وقتلّي تجيه بنيّة صغيرة يدّها مقسومة في ثنين بسبب المعلّم متاعها؟

ياخي المعلّم دَوْرو باش يربّي الصّغار و الاّ باش يقسملهم عظامهم؟

و شنوّا ها المعلّم هاذا الّي يهبط بكلّ قوّتو على تلميذة صغيرة حتّى لين يكسّرلها كرايمها؟ شنيّة تركيبتو النّفسانيّة؟ باش ينجّم يحسّ وقتلّي يلقى روحو قدّام بنيّة طولها ميترو و عشرة باش يوصل يعتدي عليها بالطّريقة هاذيكا؟

الحقيقة شيء يخرّج البشر من سينتو... إلى متى باش نقعدو ساكتين على الوحشيّة الّي تتمارس ضدّ الأطفال و أحنا ساكتين؟

السّؤال يقعد مطروح...!!!؟؟


20 commentaires:

الحلاج الكافي a dit…

كل شئ بأجرو ، يعني التلميذة الوحيدة هي اللي تضررت ...من قال أن، المعلم ما مدش فلوس لعايلتها ؟ظ باش يشري سكوتهم وفلوس للطبيب باش يعمل عين شافت و الأخرى لا...و فلوس...لهذا و لذاك ..أنا ما نقولش أقتلوا المعلم لكن يجب عقابه و لو رمزيا حتى تقف مهزلة العنف بين المربي و التلميذ في الأتجاهين

ولد بيرسا a dit…

لا ما فمّاش حكاية فلوس، بالحق ما شكاوش تجنبا للمشاكل
أما صحيح، يلزم العقاب يكون صارم باش المرة الجاية كيف معلّم تجيه ها النزعة الوحشيّة يخمّم مرتين قبل ما يهز يدّو على التلميذ

Anonyme a dit…

Salut,

Si tu connais personnellement (nom prénom, adresse, identité des parents) l'enfant victime c'est de ton devoir d'aller au palais de justice le plus proche et d'essayer de contacter "mandoub ettoufoula" (désolé mais je ne connais pas la traduction): essayes de voir d'abord le procureur de la république ou un de ses adjoints et ils t'orienteront. STP ne me dis pas que c'est une perte de temps et que cela n'aboutira pas! Il reste pas mal de responsables honnêtes dans notre administration, espérons juste que tu tombes vite sur l'un d'eux!! (Remarque que je t'ai épargné la visite au poste de police qui sera certainement inutile!!)

Monji

Ghoul a dit…

مانيش متخصص في القانون لكن حسب علمي ظني الإعتداء على الأطفال يدخل في الحق العام ووكيل الجمهورية ملزوم باش يقوم بتتبعات حتى اذا العايلة مارفعتش قضية

وكيما قلت انت، وينو الطبيب الي عمل الشهادة؟؟؟ كيفاش باش نفيقوا بحالات الإعتداء على الأطفال اذا الطبا مايعلموش السلط

وينو مدير المدرسة، ويني التفقدية؟؟؟

حكاية كيما هكة يلزم تتنشر والمعلم يتعاقب بصرامة ويكون عبرة لمن يعتبر

Roxie White a dit…

ye5i mezelou yadhrbou fel mkéteb ????
je croyais que c'était une époque révolu moi !!!!!

ولد بيرسا a dit…

@ Monji:
je vais me renseigner sur ça, merci.
je connais des gens qui pourraient m'aider. mais je pense que je vais d'abord trouver une introduction pour demander au directeur de l'école de prendre lui même les mesures nécessaires. il protège peut être son instit, mais qd il prendra conscience que c'est sa place qui est en jeu, il réagira certainement autrement.

@ Ghoul:
je ne sais pas où est-ce qu'ils sont. en tout cas moi j'en ai parlé à tout le monde, même à des gens que je ne connais pas. et cois moi, d'ici quelques jours tout le monde sera au courant.

@ Roxie White:
moi aussi je pensais que c'était du passé, mais tu vois, c'est loin d'être fini!!!

al-mitra a dit…

pédagogue tu dis ? c'est écoeurant, faut qu'il soit suspendu ce monstre !!!
la petite a des droits même si sa famille (gens lâches et inconscients) ne porte pas plainte. C'est aussi scandaleux que l'école et le médecin passent ça sous silence. Chayy y3ayyef wallah, massab ychidd hadd ymahhdou bitriha el makboub wikassarlou yiddou. La loi du talion reste la loi suprême dans ce cas!!

Amel a dit…

يا حسرة كيف قبل المعلم كان يدور في القسم و الزلاط في يدو ،و إلي يتكلم يشد يطقطقلوا فمو! وحد لا يتكلم، تي بالعكس يسكت و يخاف كان يتكلم يزيد ياكل طريحة نباش القبور من عند والديه، خاطر "المعلم ديما عندو الحق" هكا علمونا.

و ياما كليت طرايح في المكتب بالرغم إلي كنت طفلة عاقلة و خوافة.
- طريحة ما ننساهاش و آنا عمري 7 سنين و قتلي المعلمة قالتلي أقرى الجملة إلي في الصبورة، ثبت مليح، طمشت عينيا، شي ما نجمت نشوف شي ... بالخوف قلت جملة من راسي بالطبيعة ماهيش إلي مكتوبة في الصنبورة. ياخي المعلمة عطاطني طريحة أما جاب ربي حكيت عليها لأمي خاطر طلعت ناقصة ثلاثة في عنيا، عمشة يعني ؛)
- الطرايح لخرين كليتهم على خاطر قبل كانو يعلموا جدول الضرب بالضرب و نتذكر روحي قبل على قد ما كنت نابغة في العربية على قد ما كنت نكره الحساب و بالأخص أكا جدول الضرب. من وقتها حطيت في قلبي و وليت نحب الحساب حبا جما (أما خير و إلا نعدي حياتي كاملة ناكل في طريحة عالصباح يا فتاح و يديا ما زالو باردين خاطر ما عرفتش نجاوب 8*9 قداش) و على قد ما وليت نحب الرياضيات على قد ما بعدت عالكتابة، و الأناشي التحف متاعي إلي كنت نكتب فيهم في الإبتدائي ما عادش نجم نكتب في عشر قيمتهم خاطر ولاتلي عقدة!

و على قد ما كليت طرايح على قد ما قررت إلي أولادي بش نحاول نربيهم بلاش طرايح أما موش معنتها بلاش عقاب، و نشاء الله يحوك فيهم العقاب من غير ضرب ؛)

ولد بيرسا a dit…

@ Al-Mitra:
ce genre d'agissements arrive à nous mettre hors de nous, à cause de l'injustice que subit l'enfant. il faut surtout que tout le mode sache ce qui peut arriver dans l'enceinte des écoles et arrêter de camoufler ces horreurs sous le prétexte de l'estime qu'on doit porter aux profs.

@ Amel:
tu vois que ce n'est jamais la solution...
cet instit continue à utiliser ses vieilles méthodes qu'il pratiquait avec nous 20 ans en arrière, et qui a fait que la majorité d'entre nous sont des ratés (ce n'est pas l'unique raison, bien sûr, mais ça y contribue largement)

mgarb3a a dit…

c'est inhumain!!!
un enfant ne doit jamais être agréssé quelque soit sa faute!
hedha yelzmou guillotine! mouch la3b!
malla mojrem!
mridh el ham!!!

Anonyme a dit…

sana
salut...
je suis certaine eli ihta entouma 9ritou 3and él mou3além hétha 7ata sé3a mata7kiwch haka. primo cet instititeur est le + reconnu ds sa région nn pa pr sn agressivité com vs le dites mé pr sa compétance et l'amour k'il éprouve envers ses éléves k'il considére com étan ses propres enfants et k'il se sent responsable 2 leur éducation et leur apprentissage. ye5i kif un pére yathréb.sa3at son enfant parcekil a fai une bétise ma3néha howa motawa7éch wmojrom w may7ébech sgharou?secondo ye5i entouma tetsawrou 3ayélt étofla ma7assouch 3léha WALA 5AYFIN? TI 3léch bech y5afou ?hia déja benthom brillante . et b1 houma mchéw lel mou3além wtalbou ésme7 pke benthom ghach chétou whouma métakdin eli howa ma9sadéch ykasrelha sbo3ha.de plus baraw emchiw asélou eli 9raw fel maktéb chkoun a7sén prof ata y9ouloulék si sédé9 7ata étofla héthi el vs dira la mm chose.tertio itha entouma tbarkala 3likom toémnou bétatawor wa7na fel 9arn el 21 wakél7kéyét mahou itha lé paren ybadlou tari9ét tarbiéthom lésgharhom ya3rfou yét3amlou m3ahom maghir tharb ata él mou3além mayéth taréch bech yathrabhom fel 9ism.malheureuemen mazél fama sghar mayéfhmou kén bétharb ama fam o5rin tkakmamhom kelma yefhmou
concusion ma3adch to7kmou 3lal 7ad maghir mata3rfouh.ce st des préjugéeli normalmen tna7aw 2puis 20 ans

ولد بيرسا a dit…

شوف يا سناء،
ماكش باش تجي توّا تورّيني في شكون أحسن معلّم و الاّ لا
مكتب بيرسا قريت فيه 6 سنين و حياتي كاملة نسكن في بيرسا، لذا سي الصادق متاعك نعرفو مليح مليح، كيف ما نعرف المعلمين الكلّ

و الّي يقلّك سي الصادق أحسن معلّم، يا إمّا ما يعرفش و الاّ يكذب عليك، على خاطر كان هاذاكا أحسن معلّم، ما نعرفش آش لازم نسمّيوا مادام السّعيدي و مادام دراويل و غيرهم

و كان تحبّ نحلّلك ڤمّة عالمعلّمين الكلّ، ما عليك كان تطلب، و تو تشوف الفضايح الّي نجبدهملك: سي محمود، سي العبدلّي، سي فوزي، الخ... الكلّ دوسيّاتهم محمّمة و ما تنساش الّي التّاريخ ما يرحمش عيش أختي

أما موش هاذا المشكل. المشكل هو الطفلة الّي يدّها تكسّرت. على خاطر كان هو تعدّاو عليه آلاف التّلامذة، هي ما عندها كان معلّم واحد. و وقتلّي المعلّم هاذا يشدّ يقسملها يدّها (و موش صبعها كيف ما قلت انت) باش تقعدلها في مخّها حياتها الكلّ.

و فاش قام هي يلزمها تخلّص التّهوّر و التجودير متاع المعلّم المسوفج هاذا؟؟؟

على كلّ مادام مازال فمّا شكون يمّن كيفك انت بالّي التربية ما تجي كان بالضرب، ما عندنا فين باش نوصلو

و تعمل مزيّة، المرّة الجاية قبل ما تحلّ الجّالغ متاعك و تحاول تعطي دروس للعباد، ثبّت مليح في الموضوع و فكّر شويّة بمخّك، باش ما نقعدش كلّ مرّة هكّا نضيّع في وقتي و نجاوب فيك

bént byrsa a dit…

chbik yéssér jabri wmant9ék khaméj yé si chbéb?7assén alfadhék éssé3a wétrabba 9bal mé tji ta3ti des leçons de morales.je ne vais pas être à votre bassesse tous et vous répondre par votre langage mais vous en faites trop.
élli ta7ki 3lih a7sén ménnék w sid sidék.tu dois être un raté qui n'a réussi à rien faire dans sa vie w tawa il veut se venger des profs. prkoi tu tacharnes autant contre lui?
il a enseigné des génèrations et oui 7abbit wala kraht il est un exemple, bien sur il yen a dautres mais il est un trés bon instituteur béch hédét la3béd lkol, mouch béch yji wé7éd vulgaire kifék aprés 25 ans de carrière béch ysam3ou léklém. tu es impoli et si tu as le courage vas lui parler en face,pas dans son dos avec une bande de minables!!!
s'il a réagi ainsi c parcequ'il y avait une raison et qu'il n'en pouvait plus,jamais il aurait fait ça comme ça.famma 3béd tléz rou7ha. je suis d'accord que la réaction est brutale mais c'était pas expret et ce genre d'accident peu arriver à n'importe qui,si elle na pas porté plainte c que ses parents l'ont considérè comme un père yrabbi fi béntou. ya des monstres et des profs "métwa7chine"comme tu dis wdoussiét 7moum je les connias + ke toi mais il n'en fais pas partie. tu t'es trompé d'adresse.
keske ten sais sur lui toi?je ne vais pas lister ses qualités mais tt le monde sait que c'est un homme brave,trés doux,honnête,tjs à lécoute de ses élèves et surtt y9arri bdhamire,il aurait pu être métmalla7 kif barcha 3béd mé howa lé.él métwa7éch élli ta7ki 3lih kif yébda wé7éd f9ir y9arrih bléch,kif yébda wé7éd 3andou mochkla il nhésite pas une seconde à laider,chaque année il vit une grande histoire damour avec ses élèves et c pas pour rien que des hommes mél menzah,mén ariena,mén tounés yjiboulou sgharhom,c pas pour rien que des medecins,des avocats..lui confient leurs enfants et l'appellent quand ils ne vont pas pas bien pour les aider. rjél bésgharhom yjiw ysalmou 3lih et surtt pr lui dire merci.
t pas le seul à avoir passer 6 ans à byrsa mais apparemment énti mén jmé3ét éttawla lékhra.lol. pq moi aussi et bien dautres 9rina fi byrsa,on n'a aucun mauvais souvenir, au contraire ke du bonheur avec lui,mme drawil,mme razgalleh..élli y3éz nafsou wykoun fél mostawa la3béd lkol t9adrou même sil n'est pas brillant wélli yjib ha lrou7ou il doit assumer. si sédé9 kharréj rjél w rabba des génèrations alors lache le w barra chouf 7aja okhra tlahi béha rou7ék.g une propositions énti apparemment 9alé9 wmadémék toskén fi byrsa "méskina 9addéch lammét" barra koudh 100g 9loub wala chkara 9tania wbarra 9oddém él maktéb tatésma3 les parents éch ya7kiw 3lih.
lé3éb féha mosla7 éjtimé3i wné9ém 3alwadh3, soigne ton langage avant, parle correctement, choisis les bons mots pr tes critiques pq c pas comme ça qu'on arrange les choses. sois civilisé STP.

bént byrsa a dit…

lé w le malheur c ke les autres méchine m3ah fél khat et confirment ce qu'il dit. élli t7éb tmahdou bétri7a kelle aille.. jaimerai bien ke qq1 publie une rumeur sur l'un de ses proches ou amis et que tout le monde dise des conneries sur lui.méfamma ham kén hia,malla manta9 7ammém wa3zéyéz!!hadhéka élli hlékna a7na étwénsa kén éttatbi3 w les prejugés. c pitoyable,rien à dire!! et toi publie mes messages,c toi ki a commencé alors assume et ne sois pas lache

ولد بيرسا a dit…

بنت بيرسا@

إي لا، بالطبيعة، عندك الحق، لازم هي لزّت روحها باش يقسملها يدّها في ثنين... طفلة عمرها 11 سنا لزّت روحها باش راجل عمرو آش و خمسين سنا يكسّرلها يدّها
و مادام جابتها لروحها، لازمها تتحمّل مسؤوليّتها
تبارك الله و ما شاء الله.....

بالطبيعة مانيش باش نجاوبك على الهزّان و النفضان متاعك و مانيش باش نعاود الكلام الّي تقال الكلّ، أما حاجة وحدة: أنا و الاّ المطراء (الّي قالت فمّاش شكون يمهّدو بطريحة) قارين أكثر من سي الصادق متاعك على الأقل بمرّتين، و أكثر منّك انت ببرشا زادا (ظاهر من مستوى كلامك)
و الشيء الّي قلتو يا للاّ، لاهو
"rumeur"
"préjugé" و لا
الطفلة عدّات 21 يوم في الجبيرة الله أعلم بـحالها، و انت تقلّي حنين و
doux et à l'écoute...
لا هاو ظاهر الحنان الفيّاض متاعو، تبارك الله

و كان موش عاجبك منطقي، موش لازم تجي تكسّرلي البطاطا هوني، أهوكا الأنترنات واسعة و عريضة، و البلوقات الرّطب متاع الحنان برشا، شيّخ روحك معاهم. هنا هاذيها هي اللّغة، و الّي موش عاجبو أهوكا البحر

bént byrsa a dit…

9arine akthér ménni impossible pq jsuis bac+10 docteur diplomée de la sorbonne donc tu marrives pas à la cheville lé enti lé lélla échéba. mcharfa blédi à 1000% et c sans doute grâce à des profs kima sidék éssédé9.
jamais jaurais pensé être sur ce genre de site,c pas du tt mon niveau mais c pq on ma parlé de ske tu écris ke g voulu te répondre et c par ta malchance ke g découvert ce site pourri.
7kit m3ak béllougha élli téfhémha. g déjà perdu assez de temps ac toi pq je vois bien ke t pitoyable et ke c inutile,des paroles en lair c pas mon truc,moi jagit autrement.
tu veux te montrer courageux mais t mal tombé. kénék rajél émchilou il tattend ama énti 7kéyték fééééééééééérgha et t lâââââche.
tu vas regretter tt ça pq jsuis désolée 7attiték fi mokhi et tu fais partie de la catégorie de gens ke jdeteste. t pr le moment anonyme mais je vais arriver juska ta porte même si je suis loin.c une promesse et je suis une femme de parole.

ولد بيرسا a dit…

@ bent byrsa:
Bon, je vois que ton bac+10 ne t’a pas servi à grand-chose, puisque tu n’arrives même pas à tenir un discours cohérent.
Tu zappes le fond du sujet (qui est celui la fille agressée par ce prof très 7nin, très à l’écoute, etc…) et tu te mets à me menacer et à m’insulter, comme si tu pouvais me faire quoi que ce soit.
Donc tu peux me mettre dans ta tête ou dans ton cul, je m’en balance. moi j’ai fait ce que j’avais à faire : dénoncer la violence dont la petite Ines a été victime.
un prof qui agresse une élève de cette manière en toute impunité ne doit jamais passer inaperçu.
Et toi, tu peux me détester autant que tu pourras, ça ne me fera absolument rien…et rabbi i3inek dans les recherches que tu feras à mon sujet!!!

waleed a dit…

بالله هذا كلام... متوحش و مانيش عارف شنوة
ملي تنحى الضرب و التلاميذة تمرمد في المعلمين و الاساتذة و يعملو اش يحلالهم من غير حتى ضابط لانهم يعرفو ان الضرب ممنوع
العديد من البلدان رجعت للضرب... بالله كيف يمكن لاي استاذ او معلم ردع تلامدته ماهي الطريقة لفعل ذلك
الاستاذ كي يضرب يولى متوحش و الاف التلاميذ يعتدون على الاساتذة لفضيا و ماديا و حقه مهضوم
ربما المعلم اكثر من الضرب او جاءت ضربة خايبة... اما وقت يتخلى الاباء عن تربية ابناءهم فان المعلم او الاستاذ عليه ان يضحي بصحته و كرامته في تربية ابناء الغير و زيد ياكل السطاكة من فوق
يا والله حوال

waleed a dit…

يا و الله حوال... عباد ترمي اولادها في الشارع باش يربيها و من بعد يلومو الاستاذ و المعلم
المسكين الذي لا يملك اي صلحيات ردع في القسم و الاقسام التي يدرسها
يهان في كرامته...الي يجي يمرمدو و يسمعو الكلام في السم و في الساحة و في السوق و في المقهى... و ما من رادع
يركبو السكر و ضغط الدم و جميع الامراض حتى العقلية منها و ما من مقدر
عن اي حرية طفولة كبرت قبل وقتها و تعلمت احلى و اعسل الكلام و هي في الروضة

sami tahri a dit…

أكيد المعلم مخطئ في ضرب البنت وخاصة إلى أن توصل الأمور للكسر يعني ضربها بغلِّ..والضرب في القسم ما يحلش المشاكل..صحيح أجيال تربت على الضرب في القسم لكن شكون منا ما كهش المعلم والمدرسة كل ما يتفكر العصا :زمردة ،مسعودة،الهذبة ،آه عندها تسميات مختلفة ويتفنن المعلم باش يختارها من شجرة ازيتون ومن الزيزفون وحتى من البلنز..ثمة ساعات ومعلمينكانوا يمثلون لنا رعبا لا يوصف ثمة فينا اشكون هج وهجر القراية ..اليوم كيف تمنع الضرب ما نرجعوش للوراء آثار الضرب على النفوس وخاصة الإهانة لا تمحى ..
لكن ما نيش باش نلقى الأعذار لمعلم هذا أما بعد سنين من العمل الشاق ونسطر على كلمة الشاق الواحد يفقد أعصابه واللي يتماسك الكلو يرجع عليه ويتفلق :برشة معلمين ايومتوا قبل غيرهم ويتعبوا نفسيا وينهاروا ..تتصور مهنة المعلم ساهلة نشوفو الرازي والإحصائيات تدل على أنهم يأتون في المرتبة الأولى للمترددين علىيه ..الولي والمواطن متفرج خارجي ما يعرف كان النتيجة وما يسئلش على الأسباب نصحيح موش من حقوا يضرب وكل واحد منا يتصور بنتو هي اللي تكسرت آش يعمل ؟تشكي اطيح قيمة المعلم وتشوه صورتو وتمرمدو .تسكت ؟اتخليه يتمادى ويعتدي على غيرها .على كل كان يجب حل المسألة رسميا بتعهد من المعلم "سي الصادق " اينعم سي الصادق باش ايكمل مساره التعليمي ويشعف من الضرب..يا ولد بيرسا ؛كأنك متحامل في القضية هذه ،كن موضوعيا وانطلق من الحدث لعلاج مشكل أعم :لا للعنف ضدّ التلاميذ/