mercredi 22 juillet 2009

في نطاق هجرة الأدمغة: طبيبي ڤطّع الرّباط

أنا في الحقيقة الطّبيب متاعي عندي معاه علاقة خاصّة شويّة... من ناحية ولد حومة و صحاب و حباب و كذا. و من ناحية أخرى نزورو برشا...، خاصّة في الصّيف.

علاش...، على خاطر أنا مالنّاس الّي ناكل كلّ شيء، و خاصّة نشرب كلّ شيء...، لذا شيء طبيعي أنّي نمرض بكلّ شيء
هاذاكا علاش علاقتي معاه تبلورت، و ولّينا نتقابلو برشا و نحكيو برشا

(طبيبي هاذا، كيف 99 % من الطّبّة الخواصّ، لا باس عليه: زوز ديار بالبيسين، يسافر هو و عايلتو عالأقلّ مرّتين في العام، قاعة الإنتظار متاعو ما تفرغش... حاسيلو أمورو في الجبن)

الجمعة الّي فاتت، قابلتو في مطعم، وقفت نسلّم عليه: لاباس؟ شنحوالك؟ شنيّة الدّنيا؟

قالّي راني نهار الأربعاء طالع لكندا

أيّا باهي، و الله قلت الحقّ، برّا بدّل الجّو شويّا و تفرهد

قام يضحك... قالّي لا لا موش هكّا...، باش نهجّ

شنوّة باش تهج؟؟؟ تي يزّي بلا هدرة متاعك قالّي تهجّ

و الله كيف ما نحكيلك. أنا و المرا و الصّغار

عجب؟؟؟ معناها باش تهاجر جملة؟ و حياتك هوني، توّا 50 سنا؟

قالّي الدّيار و الكراهب بعتهم، المرضى فرّقتهم على الزّملاء و عندي أنا، هوني كلّ شيء وفى

و خدمتك؟ و صغارك؟ و عايلتك؟ و بلادك؟

قالّي هاذي بلاد يستحيل باش انّجّم نضمن فيها مستقبل أولادي و ما عادش قاعد فيها

قتلو: يا خويا آش باش نقلّك؟ ربّي معاك، سايس روحك و حظّ سعيد

قالّي و الله كان تعمل كيفي خيرلك

قتلو لا يعيّشك، أما أنا راني أنا عندي مشكل كبير: ها البلاد هاذي ما انّجّمش نبعد عليها... الله غالب... مبلي بيها، نحبّها
بخمجها، بمشاكلها، بهمّها، بميزيريتها، نحبّها

أيّا هيهيهي هاهاها، شاهية طيّبة، شاهية طيّبة...، نشوفوك...، الله يبارك، امّالا لا... و رجعت قعدت

قلت: الزّح، الرّاجل عايش في وضع يحسدوه عليه العباد، و ماشي هكّاكا للمجهول، علاش؟

و زيد أولادو صغار، في أوّل المراهقة، باش يتبدّل عليهم الجّوّ و يدخلو بعضهم والله أعلم كيفاش باش تولّي حالتهم...، معناها في أحسن الحالات تنجّم تقول نوفي و الاّ قرعة...، وقتلّي كانو لهنا 100% نوفي

رأي يحترم... ألف في الميا خمّم مليح قبل ما ياخذ القرار هاذا

موش ساهل باش الواحد يبدّل 50 سنا هكّاكا في لحظة، خاصّة من النّاحية الإجتماعيّة

خويا ربّي معاك، و هاو سطيّل ماء وراك... حتّى كان ماكش ناوي ترجع



7 commentaires:

ART.ticuler a dit…

قرار غير صائب ألف في الميا ..! خاصة إن كانت أمورو المادية مفرهدة!

el manchou a dit…

en fait, après avoir vu plusieurs cas, ce n'est pas une question de mentalité, le même phénomène existe partout, il y a aussi bien des canadiens qui laissent tomber le canada pour aller vivre en tunisie, des français qui laissent tout tomber pour s'installer aux US/Canada...
L'herbe est toujours plus verte ailleurs, je connais même un médecin allemand exactement dans le même cas : il avait son cabinet en allemagne, korza, diar bel piscine... mais il est parti au canada.

ولد بيرسا a dit…

@ ART.ticuler:
c'est aussi mon avis, mais bon! il a sûrement ses raisons que je n'arrive pas à saisir. Rabbi ijibou fi essweb :-)

@ El Manchou:
Oui, je comprends qu'on puisse penser comme ça.
bien que je ne le juge pas, je suis convaincu que le fait de couper les ponts avec son pays est une très mauvaise idée. Surtout lorsqu'on a des enfants.
Imposer à ses enfants de grandir loin de leur pays n'est pas une idée qui me plait spécialement.

Anonyme a dit…

Mais, le mystère reste intacte, pourquoi il part bien qu'il soit aisé?
La qualité de vie est meilleure au Canada? Le climat, un grand facteur dans cette qualité de la vie.
C'est un sujet intéressant. Il y a des milliers d'européens qui viennent s'installer en Tunisie et au Maroc pour la douceur du climat, l'avantage du taux de change (un soudeur français à la retraîte peut vivre comme un roi en Tunisie), il n'ont pas de pression fiscale, plus de convivialité, des services moins chers, etc.
Il aime jouer au poker ton doc....
Gaudi.

Zied- زياد a dit…

Je salue son courage!

kouta a dit…

pour quelqu'un qui a acquis un certain niveau intellectuel et qui veut que ses enfants grandissent dans un milieu favorisant leurs épanouissement intellectuel et par conséquent physique, ce choix est très défendable à mes yeux...
le tunisien vit une perte d'identité, il se considére plus comme un citoyen du monde que comme tunisien, ce n'est pas sa faute, puisque la politique du pays le désengage complétement des décisions à prendre... on est étrangers dans notre propre pays, on a appris à nous adapter à toute situation... c'est normal qu'on finira par partir, puisque rester devient quasi suicidaire!

Anonyme a dit…

Mouch s7i7 kif t9oul 99 % mel tobba lebes 3lihom enti ma tchouf krn 7ad 5achmek. Ya 7asra wa9telli ken el tbib tbib twa 9rib bech y welliw y dourou fel chera3 kif el de9eza. chkoun y 7eb y3addi wella ya5ou ra7a.
Momken les spécialistes oumourhom mezelt mouch 5ayba amma sad9ouni les généralistes surtout el jdod elli met5arrjin fi hel 6-7 snine le5rine elli ma ya3raf 7ad w ma 3andouch ktef s7i7 barcha y 3aniw fi miziria 7arfa w barcha da5lou lel m3amel y dourou y dallou bel dwa ( w hatta el dellel wella bel aktef ) w barcha hajjou lel afrique du sud lel sa3oudia ...
Hedha el kol w kif tchouf el miziria mta3 barcha 3bed el de5el fi tounes el a3me9 t9oul ezzah kifech 5erna yemchi el ghirna.

Amma brabbi kif tchouf tbib lebes 3lih etdhakar 9adech t3adheb w tmermed bech ousel taw ta3raf 9adech el tobba yest7a9ou menna 9dar. Ma femma 7atta branche o5ra yebdaw yebda fiha l'étudiant emmarmed lila 3la lila fi sbitar mel sbitarat wa9telli ghirou yech5er bennoum wzid men ghodwa yemchi lel stage 3adi w ykammel ya7dhar cours fel Faculté w sa3at yebda y3addi fel devoir 3inih tetghamedh.

Wallah 3jeyeb w ghrayeb !! bled fiha el tobba y dellou 3al dwe !!
w bled fiha el tobba y dapermou mel 9a3da fel dar wa9tilli el ness mest7a9etelhom.