هي: ما تعرفش عيش خويا شكون ينجّم يخدّمني؟
هو: آش تعرف تعمل؟
هي: نكتب عالأرديناتور و نعمل الفاتورات عالإيكسال
هو: و الله آش باش نقلّك... نشوفلك
هي: اسمع... و الله ولّيت نخمّم باش انّحّي الفولارة
هو: آآآآآ.... علاش؟
هي: تي فدّيت، الدّنيا سخانة و زيد الّي نمشيلو على خدمة بالفولارة، يقلّي لا، لازم مظهر لائق... و عندهم الحقّ زادا، نعرف
هو: و انت علاش لبستها مالأوّل الفولارة؟
هي: و الله هكّاكا... عملة عملتها و ندمت... نتبّع في البنات
هو: دبّر راسك، آش باش نقلّك.... انت و فاش تلقى راحتك
هي: ماني شاورت أمّي زادا، قالتلي على كيفك، بينك و بين مولاك... و انت آش قولك زعما؟
هو: تي نحّي عليك الكازي امّالا... هالعذاب الّي عاملتّو لروحك؟
هي: بفففففف....شفت بربّي؟ ملاّ وحلة... تي أما نورمال، تو نزيد نفكّر
هو: آكاهو.... امّالا تو نشوف و نقلّك
هي: باهي يعيّش خويا، يعيّشك... و اسمع، الفولارة موش مشكل، كان لازم انّحّيها تو انّحيها
هو: باهي يا للاّ، باهي ... تهنّى
هي: شوف... بيناتنا؟ الفولارة كبّرتني زادا... ولّيت كاينّي عمري 50 سنا
هو: (بكلّ تربية) تي لا و الله لا... شكون قالّك؟ أنا نعطيك 26... 28 سنا بالوافي
هي: بربّي يزّي بلا تمنييك يا شسمك.. تي أغزر الزّح، الّي يشوفك بحذايا يقول ولدي و أحنا بيناتنا 4 و الاّ 5 شهر
هو: هههههه مبلدك يا سوسو، ديما هكّا؟ ملّي مع بعضنا في المكتب و انت النهار الكلّ تنكّت.... ههههه
هي: باهي باهي.... ماك ديما تتمقعر انت... ايّا شوفلي خدمة عيش خويا، فدّيت مالقعدة في الدّار
هو: تهنّى، و راسك انت تو نبتبتلك
هي: أيّا باهي، شعلت بالسخانة توّا، خلّي نطلع نفرهد حالتي و نلبس روبة كي العباد و نقعد نتنسّم شويّا بحذا الشّباّك
هو: داكوردو... أهوكا بيناتنا تاليفون امّالا
هي: شاهية طيّبة...، عيّش خويا
هو: بالسّلامة
![[]](http://m3.moostik.net/img/?pseudo=weldbyrsa)
3 commentaires:
rass mghoti w el .... ya3tii
c'est vrai que ça fait beaucoup de mal aux libertés individuelles;
on a le droit de penser de qu'on veut du moment que ça ne nuit pas autres;
le fait de porter un voile est un choix personnel à respecter;
ceci dit quand celà devient aussi handicapant, c'est plutôt l'extrémisme inverse;
c'est à l'image du racisme que les noirs éprouvent par rapport qux blancs, la réaction est disproportionnée!
مفعوص:
و الله ما عنديش فكرة على ال... يعطي و الاّ ما يعطيش، أما الفكرة تقعد ديما واردة في بعض الحالات :-)
El Pink:
quand il imposé, on ne peut plus parler de libertés individuelles. en plus le regard des autres est vraiment pesant des fois.
Enregistrer un commentaire