samedi 17 octobre 2009

كلب مات في زبّالة

معمل طاح على راس الخدّامة الّي تكلت على سعدها الّراقد... 10 موتى، عايلات تيتّمت و مئات العباد تقطعتلها خبزتها...؛

ـ 45 ثانية في الأخبار، كلمة لا في "لابراس"، 8 أسطرة في "لوطون"، و اڤلب... كلب مات في زبّالة


الفيضانات هزّت شطر الرّديّف رحّلتها، كيف كيف: عايلات تيتّمت و عشرات الموتى والّي تحت الأرض أكثر ملّي فوقها، و كيف كيف زادا... كلمتين و قصّ في الجريدة، 30 ثانية في الأخبار (و بعدهم درجين عالفيضانات في البرازيل و أستراليا) و أكاهو





أما هاك الطّحّانة الّي يزويوا مالصباح و يصفّقوا على كلام ماهم فاهمين من أمّو حنّى كعبة...، آه لا هاذوكم نخصّصولهم نصّ ساعة كاملة و هوما يتهزّوا و يتنفضوا قدّام الكاميرا و يساندوا و يثمّنوا و يرفعوا في التّحدّيات (و في حاجات أخرين زادا)؛


معناها آما تلبس لبسة الطحين و تمسح وجهك بخرية قبل ما تخرج الصباح مالدار و تهبّط السّروال و تمارس التّلحيس الأعمى من غير ادّخار أيّ جهد، و الاّ راك ما عندك حتّى قيمة عند حتّى حدّ: لا دولة و لا صحافة و لا حتّى شيء

و من بعد يقولوا شبيهم التوانسة يحرقوا؟؟؟

يحرقوا على خاطر يحشموا من جنسيّتهم و من دولتهم و من سمعتهم و من لون بطاقة تعريفهم..... لون الكارت سيجور أقرب لإنسانيّتهم

14 commentaires:

Roxie White a dit…

c'est pas nouveau avec les médias tunisiens! z3am kén fi t9ach9ich la7nék et les scoops futiles genre haw kifeh les hard métaleux sont des satanistes walla kifeh zaid w 3amr t3arkou fi bal3a, etc etc

PS: يتهزّوا و يتنفضوا قدّام الكاميرا و يساندوا و يثمّنوا و يرفعوا في التّحدّيات (و في حاجات أخرين زادا)
merci pour ce fou rire :D

ferrrrr a dit…

Bravo !!!

ولد بيرسا a dit…

@ Roxie white:
oui, ces scoops on en a l'habitude, mais il y a des limites que lorsqu'on franchit, on a vraiment mal. et là, c'est vrmnt triste!
pour le fou rire, c'est au moins ça de gagné :)

@ ferrrr:
merci

Anonyme a dit…

و الله في الصميم هالتدوينة

شي يبكي و يندب

حرااااااااااااااام

مرسي عليك يا ولييد بيرسا

واصل خويا دون و احكي عالدمار خلي لعلاش عباد تفيق و تفهم اللي صاير

ولد الصحرا Der Kameltreiber, Ladeeni

MKarriz a dit…

Voilà pourquoi, je vais garder mon pseudo de Mkarriz encore quelques décennies. C'est révoltant!

Anonyme a dit…

كثر الهم يضحك..الله يرحمهم و يرحمنا

Anonyme a dit…

Bravo
(Yahyaoui Mokhtar)

Anonyme a dit…

Je ne ferai que redire ce que les autes ont déjà dit : BRAVO.
Mais juste une petite remaque; brabbi, brabbi Kélmet : (T7in) et tt ce qui peut en découler, supprime les de ton vocabulaire,
3la 5atér ma Yo5roj 3lik...:)

Daddou

alopex a dit…

شي يبكي، شلكوها البلاد... قالك شقتلك يعملوا فيه "من أجل تونس"... من أجل تعبية مكاتبهم وكروشهم،كمشة رهوط بلا حتى غرام كرامة

Slim a dit…

Bravo!!!

Amel a dit…

صحيت سي الشباب! بل المجد يعطيك الصحة في النقشة ؛) تونس حالتها تبكي

:'(

Anonyme a dit…

Bravo lili ktibha moi chui même pas enregistré ici sur blogspot éma 7aja luxe, allah lé trabba7 fallous.
Tounes yé miskina ://

Mima a dit…

kraht elloune la7mar wekraht elviolet wekraht wmathabia nchouf noir et blanc, parce que nos couleurs nous font honte et nos slogans nous font honte et notre silence encore plus...7achma men talfzetna w7achma meljahl wmel 5aymet elm3obia bela3bed...où allons-nous ? 2009 bientot 2010 et rien n'a changé, ils n'ont rien dit de gafsa et n'ont rien dit de redaief et si un jour il y aura genocide, ils ne diront rien aussi...je ne sais pas pour vous mais je me sens coupable, coupable que mes cris ne portent pas, que nos mots elkolna ne portent pas, que notre rage reste dans nos tripes...

ولد بيرسا a dit…

merci à tous pour vos réactions.
c'est une preuve que le mal atteint chacun de nous, et c'est ce qui compte.
notre Tunisie à nous est celle de la compassion et de l'amour, la leur est celle de la gourmandise et du mensonge... la nôtre sera éternelle, et la leur n'est que momentanée.
leurs 22 ans de mensonges ne feront pas le poids devant nos 3000 ans de vraie histoire