تونسي يصنع أكبر سروال في العالم..... مزعمنا في الحاجات الّي ما تصلح لشيء

إي موش فمّا واحد تونسي ستيليست صنع أكبر سروال في العالم؟

إي، إي بالمجد...

قالّك جاوَه جماعة الغيناس بوك، و وافقولو باش يقيّدوه في السّجل متاعهم... اي، لا و الله عملة....

سي العربي بو ڤمحة هاذا، عمل سروال طولو 50 ميترو و عرضو 36 ميترو و كلا 2400 م² قماش

معناها شطر ملعب متاع كورة

لا يعطيك الصّحّة سي الشّباب... و مبعّد؟؟؟

إي هاك عملتو السّروال، و مبعّد؟ باش استنفعت، و باش نفعت النّاس؟

حــــتـّــــــــــــــــــــــــى شــــــــــــــــــــــــــــــــــــــــــــــــــيء

والــــــــو.... النّسمة و حلق الواد

أما الفازة فاش؟ .... الّي السّيّد هاذا علاش صنع ها السّروال؟؟؟؟

على خاطر سمع الّي في البيرو، فمّا واحد صنع سروال طولو 40 ميترو...، ياخي قال و الله الاّ ما نطيّح عليه

عناد في عناد معناها...، و ماو يقلّك "كان موش الحكّ ما تولد السّلايف".... آه امّالا

و الله كان عملو لغاية فنّيّة باش يوصّل بيها فكرة، و الاّ باش يساهم في أعمال خيريّة، و الله نقولو...

أما هاذا، هكّاكا... حرق دمّ قلبو باش يقيّدولو اسمو و يقولو: يااااا، ملاّ سي بو ڤمحة

الزّحّ، النّاس مقيّدة رواحها في أطول حفلة متاع غناء، في أسرع عازف، في أكبر ستوديو متاع أفلام، في أكبر لوحة، و كذا...

و أحنا: هاي أكبر عصبانة، هاو أكبر كسكسي، هاو أكبر سروال،...

معناها حاجات ما تصلح لشيء... كان الرّيق و البلادة

أيّا يا خويا هاك صنعتو السّروال.... ان شاء الله فرحة الأولاد...؛

...سبحان الله

شوف ها التّعاليق هاذي الكلّ على خاطر ضربة فوتوشوب!!!!!!


سبحان الله...!!!
معظم شانو...

و هاو القروب هنا للّي يحبّ يزيد يتمتّع و يولّي "فان" بسبحان الله

لهذه الأسباب أنا ... تجمّعـفوبي

لأنّي لم أحتمل أن أرى مئات الحافلات تحشد آلاف "المواطنين" لتصفّق في استعراض الرّئيس و قد تُرك العاملون و الطّلبة بدون وسيلة نقل لمدّة يومين كاملين... أنا تجمّعُـفوبي.


لأنّي كرهت أن أرى سيّارة حكوميّة (تحمل رقم 02) و التي ندفع ثمنها غاليا عن طريق الضّرائب تُخصَّص مع وقودها مجّانا... لمساعد الكاتب العام للجنة التنسيق... أنا تجمّعُـفوبي.

لأنّي لم أعد أحتمل أن أرى كلّ مواطن يرتعش خوفا كلّ ما أباح له فكره انتقاد النّظام... أنا تجمّعُـفوبي.

لأنّي أرفض أن ينسب التجمّع لنفسه مرحلة استقلال البلاد و تأسيسها... أنا تجمّعُـفوبي.

لأنّي لم أعد أحتمل أن أرى قيمة بطاقة اشتراك في التجمع تفوق قيمة شهادة الدّراسات المعمّقة في سوق الشّغل... أنا تجمّعُـفوبي.

لأنّي لم أعد أحتمل رؤية شعارات بنفسجيّة مضحكة تحلّي شوارع البلاد و تثير سخرية زائريها... أنا تجمّعُـفوبي.



لأنّي لا أزال أحلم بالحرّيّة و لأنّي أؤمن بأنّ الحرّيّة حلم سهل الإدراك... أنا تجمّعُـفوبي، ... أنا تجمّعُـفوبي، ... أنا تجمّعُـفوبي، ... أنا تجمّعُـفوبي.

هذه سبعة أسباب لتبرير "تجمّعـفوبيّتي"... و ربّما لو بحثت مليّا داخل نفسي لوجدت سبعة آلاف سبب آخر، أو ربّما سبع و سبعين ألفا...، أو ستّ مائة و ثمانين ألفا، أو ملايين آلاف الأسباب...

لا يهمّ العدد....

لا يهمّ الشّكل، بقدر ما تهمّ الفوبيا ذاتها....

فأنا تجمّعـفوبي، تجمّعـفوبي، تجمّعـفوبي، تجمّعـفوبي...

أقولها أربعا..... لا سبعا، و لا ثلاثا، و لا أجهش بالبكاء

أقولها أربعا...، و أصمت

Gay pride VS معرض الكتاب

يظهرلي ما فمّاش حدّ ما لاحظش الّي المعلّقة متاع معرض الكتاب ياسر تشبّه لدرابّو المثليّين (الّي نعيّطولهم بلغتنا العامّيّة "أوموساكسوال")

فمّا الّي بهت، فمّا الّي تصدم، فمّا الّي حشم، الخ.... كلّ واحد كيفاش جاتو

و هاو زوز معلّقات أغزرولهم مليح و احكمو وحدكم.






أما أنا الشّيء الّي نحبّ نقولو، الّي راهو هاذا شيء عادي و طبيعي جدّا... على خاطر كيف تشوف نوعيّة الكتب المعروضة في معرض الكتاب، تفطن الّي السّيّد الّي منظّم معرض الكتاب و السّيّد الّي منظّم الڤاي برايد، كيف كيف!!! عندهم فرد مرض (هاكلّي يقولولو الّطف مرض الأكابر) ....

أما بركا واحد جاه في عشرينتو، و الآخر جاه ...في مخّو

... هيّا بنا نلعب

مع أنّي ما عينيش ياسر في اللّعب اليوم، أما ماخذة خاطر في اللّص رقم واحد، هاني باش نشارك في لعبة الخمسة في خمسة

خمسة هدايا أتمنّى الحصول عليها:

1- فرد
2- ظهر جديد
3- لسان خير شويّا ملّي عندي
4- جوانح
5- لوحة من لوحات بيكاسو

خمسة إجراءات أتّخدها لو كنت رئيس دولة:

1- أوديت لكلّ المسؤولين في البلاد (مالّي كبر شانو للّي صغر شانو)
2- ستاج في الخارج لكلّ صحفّيّي البلاد باش يتخلّصو من الحمّى البنفسجيّة
3- فصل الدّين عن الدّولة
4- تغيير كلّ النّظام التّعليمي
5- نشر كلّ خفايا الأنظمة السّابقة

خمسة أشخاص أتمنّى ضربهم:

1- معز دريس على حناكو
2- محمّد على بن جمعة عنقيّة
3- القرضاوي على ترمتو
4- الرّئيس بشّ على خشمو
5- جورج وسوف على يديه بالشّويّة، و نقلّو برحمة أمّك لا عاد تغنّي

خمسة أشخاص أتمنّى العيش معهم:

1- بوب ديلان في الصباح
2- جان بيار كوف في القايلة
3- نيكولا كانتلو في العشيّة
4- ميلاّ جوفوفيتش في اللّيل
5- **** مالصباح للّيل

خمسة أشياء أفعلها لو علمت أنّني سوف أموت غدا:

1- نرمي روحي برشا مرّات من فوق الأفريكا و نشوف شنوّة باش نحسّ (على كلّ موش باش يجرالي شيء على خاطر ماني باش نموت كان غدوة)
2- نمشي لكلّيّة الطب و نقصّ راسي قدّام أقوى أستاذ غادي و نشوف آش باش يعمل وقتلّي يشوفني مازلت حيّ و أنا بلاش راس :-)))
3- نمشي لمركز التبرّع بالأعضاء و نقلّهم: افرزوا
4- نمشي نعوم في البحر حتّى سويعتين
5- نحلّ دبّوزة وسكي و نقعد نستنّى في المنيّة

و هاذيّا قائمة الّي نعدّيلهم باس

المطراء
نورمال لاند
الفررر
قمروشة (وقتلّي تحبّ ترجع)
داليدا

Enfin veuve...

Un film que tous les hommes mariés, ou qui comptent se marier un jour, devraient voir.

C’est clair que c’est loin d’être le meilleur film français, si on le juge d’un point de vue cinématographique ; mais l’idée de ce film m’a parue tellement intéressante et tellement dans l’air du temps, que je n’ai pas pu m’empêcher de le voir et de le revoir.

Le film raconte l’histoire d’une femme qui trompe son mari depuis 2 ans avec un marin qu’elle aime, et qu’elle compte épouser une fois qu’elle aurait plaqué son mari, mais ce dernier décède entre temps et elle se retrouve veuve, donc normalement libre de rejoindre son amant en toute tranquillité.

Le reste du film n’est pas très attractif, à part les quelques situations amusantes qui mettent la femme dans l’embarras face aux membres de sa famille qui, en croyant la consoler, l’empêchent de retrouver son amant.

Par contre, ce qui est fort intéressant dans ce film, c’est qu’il donne matière à réfléchir aux hommes qui croient qu’en signant le contrat de mariage, ils auraient acheté la femme avec.

Une femme, ça n’appartient à personne…

La femme, il faut en prendre soin du début à la fin…

La femme n’a pas besoin que d’argent (enfin, si, un peu quand même :-) ) mais elle a surtout besoin d’amour, de tendresse, de bienveillance, etc…

La femme peut partir à n’importe quel moment si on ne s’en occupe pas comme il faut, … elles sont comme les abeilles, me disait-on, si elle se sent mal là où elle est, elle volerait vers une autre fleur qui saurait lui offrir toute l’effluve et tout l’arôme dont elle a besoin.

Le cœur d’une femme ne se paie pas avec de l’argent messieurs,… d’autres parties de son anatomie peut être, mais pas son cœur… !!!

Prenez soin de vos femmes, écoutez-les, aimez-les, offrez leur du temps (et offrez-vous du viagra si nécessaire, c’est important aussi ;-) ), faites leur sentir qu’elles comptent pour vous et qu’elles sont réellement vos « moitiés » !!!

-----------------------------------------------------------------------

Ce n’est pas que je veux faire dans le romantisme et l’hyper sentimental, mais c’est comme ça et ça ne peut pas être autrement…

Parce que, c’est où bien ça,… ou alors : faites bien attention à vos culs messieurs !!!
-----------------------------------------


Et voici quelques roses pour toi ma chérie ;-)

Abaissement de l'âge d'éligibilité: مبروك علينا، الزّيتون صابة

السّاعة أوّل حاجة، و نصيحة من عندي... بلاش

كان مرّة لقيتو خبر مكتوب بالصّغييييييير، و ماللّووووووطى و ما يتحطّ كان مرّة وحدة و في جريدة وحدة، أعرفو الّي هاذاكا أهمّ خبر في العالم و الّي هي خلات و جلات على ريوسكم

و هاذاكا علاش، وقتلّي أنا اليوم قاعد نتصفّح في الكلمات الصّغار اللّوطانين متاع الجرايد، لفتت انتباهي كلمة، و فهمت الّي هي بحرت

أيّا امّالا أعملو طلّة لهنا، و ثبّتو ماللّوطى، تو تلقاو هاذا: ـ

l’abaissement de l’âge d’éligibilité...!!!

آش معناها؟؟؟ معناها خلات و جلات....؛
عاودو ورايا: خلات و جلات...، خلات و جلات...، خلات و جلات على ريوسنا، بحرنا، ت***نا، هزّولنا ****نا

voiiiiiiilà!!!!!

معناها من هانا لبعض سنوات أخرين (و نتصوّّرهم موش برشا) كيف باش تحلّو الجريدة كلّ صباح، باش تلقاوا تصويرة وليّد محلاه، أزعر هكّا كيف بشّار الأسد (ما نعرفش علاش الفازة هاذي فكّرتني فيه هاك الـدّونتيست) من عام آش و ثمانين و ماخذ مرا من عام آش و تسعين، عامل لحية محلاها، عندو بانكة أحلى منّو، و راكب في كرهبة لا تقلّ حلاوة.... و مغروم برشا بالزّيتون!!!ـ

أيّ امّالا مبروك علينا الكلّ... نساء و رجال، مالكبير للصّغير للّي يدبي عالحصير

وهنيئا لنا بتخلّفنا و بطمعنا و كبر بطوننا...!!!ـ

هاو علاش هوما خير منّا و باش يقعدو ديما خير منّا

الڤورّة و الاّ النّصارى و الاّ الكفّار و الاّ الفجّار و الاّ الرّدّة و الاّ كيف ما تحبّو تسمّيوهم... خير منّا

اي نعم... خير منّا

خير منّا، أحنا العرب، المسلمين، الّي عندنا الحقائق المطلقة الكلّ و الّي الجنّة تستنّى فينا فاتحة لنا صدرها و ذراعيها على وسعها

"الكفّار" النّصارى، وقتلّي جاهم البابا متاعهم و قاللهم الّي "الواقي الذّكري" ما يحميش من السّيدا، قوّمو عليه الدّنيا و ما قعّدوهاش، و مظاهرات و الدّنيا مقلوبة و شيّخوه بالسّباّن و بالتّقشتيل.... علاش؟

موش على خاطر عازز عليهم ياسر البريزارفاتيف و سخّفهم حالو .... لا



على خاطر البابا قال حاجة منافية للعلم... منافية للمعقول... منافية لمخّ البشر

على خاطر هوما الدّين يعيّطولو دين، و رجل الدّين يعيّطولو رجل دين... موش عالم، و علاّمة و درا شنوّا

الدّين حاجة و العلم حاجة

على خاطر هوما كلّ حاجة عندهم يلزمها تاخذ بلاصتها

وقتلّي رجل الدّين يبدا يخرم و يهزّ و ينفض، يقولولو: يا بوها، حدّك حدّ المسقــّي

عندك دينك، أحكي عليه كيف ما تحبّ، أما الأمور الّي خاطيتّك خلّيها لامّاليها لعزيز

موش كيفنا أحنا، كلّ شيء يحبّو يدخّلو فيه خشوماتهم..... قالّك، مثلا كان الطّبيب حكم عليك بحاجة لازم تشاور "عالم متاع دين"



هاو (هنا) كان موش مصدّقينيّ.... معناها كان قالّك اشرب دواء في رمضان، لازم تمشي تسإل، بالكشي الطّبيب يحبّ يكعبرلهالك و الاّ حاجة ... ؟؟؟!!!! مازالشي؟

و الفرق يا "إخواني و أخواتي" الّي في بلاصة حتّى أحنا نخدّمو طاسة مخاخنا و نتكلّمو و نقولولهم يا ولادي احشمو، تلهاو في أموركم و خلّيوا العلم لأهل العلم... لا... أحنا حتّى هوما نسمّيوهم علماء و نعطيوهم فرد قدر هوما و العلماء الّي بالحقّ و نصدّقوهم حتّى أكثر منهم....؛

و من بعد نقولو شبيها هاربة بينا...!!!

و اضرب يا الحمدي !!!....؛

فلسفة الحكم لدى... ولد بيرسا

اي، شبيكم بهتّوا؟؟؟

فلسفة الحكم لدى ولد بيرسا .... نعاودها و نقولها: فلسفة الحكم لدى ولد بيرسا

عاد شبيه؟

قعدت كان أنا ما عنديش فلسفة؟

هاي كلّها ولاّت فلاسفة... آش بيني أنا؟ آش ناقصني؟

خلّي نعمل فلسفة كي العباد، و اسمي يولّي يتكتب في كتب التّاريخ و الجغرافيا و التربية المدنيّة و العربيّة و الموسيقى و العَروض و الأنڤليزيّة، و كلّ شيء.... و الاّ ما نحطّ والديه حتّى في كتب المات و الفيزيك

آه امّالا؟؟؟ ساهلة هي الفلسفة؟

حتّى أنا ابتداء من اليوم باش نولّي فيلسوف

و الاّ الفلاسفة الأخرين خير منّي؟

لا يا بابا... الفلسفة متاعي هاذي باش تولّي تتقرّى حتّى في الخارج (صلامبو، درمش، أميلكار، و يمكن حتّى سيدي بو سعيد)

آه؟؟؟ تقول انت و على أنا حكم تحكي؟

اي، انّوركم، موش مشكل: اليوم أنا ولّيت نحكم... اي نحكم!!! و الّي موش عاجبو أهوكم الحيوط

أيّا سيدي أه.... هاي فلسفة الحكم لدى ولد بيرسا بالنّقطة بالنّقطة:

1- التّحدّيات الإقتصاديّة

× التّرفيع في أجر ولد بيرسا بنسبة 157 % (و من غير لا علاش لا كيفاش... التّرفيع و أكاهَو)

× بناء قصر ملكي جديد لولد بيرسا (فوق هضبة بيرسا) حتّى يتمكّن من مراقبة كلّ مصالح الشّعب (جمع مْصَلْحة)

× المحافظة على غلاء سعر المواد الأوّليّة لتنمية اقتصاد ولد بيرسا (ماو قدّ ما يبدى ولد بيرسا منفنف، قدّ ما شعبو يبدى متفرهد)

× إنشاء سواقي و حنفيّات عموميّة مجّانيّة، تستمدّ مياهها مباشرة من البحر، و ذلك حتّى يشرب منها الشّعب كلّما تعطّش لحرّيته

× إنشاء صندوق لجمع التّبرّعات بكلّ أنواعها (جوامع، سبيطارات، جمعيّات، ...) و تنزّل مباشرة في الحساب الخاصّ لولد بيرسا، لأنّه الرّجل الأجدر بالتّصرّف في الأموال العموميّة

2- التّحدّيات الثّقافيّة

× قطع كلّ وسائل الإعلام و الإتّصالات و خاصّة الأنترنات، و ذلك لتشجيع شباب بيرسا على الحوار و الإبداع الفنّي و التّكاثر (لمن استطاع إليه سبيلا)

× منع كلّ أنواع المسرح، باستثناء المسرح الصّامت (الّي يحلّ فمّو، ا**** ***، سافا)

× تسخير كلّ جبال البلاد للفنّ، و ذلك بمنح كلّ مواطن مطرقة و إزميلا (زنزير) و تشجيعهم على النّحت (أنقش للصّباح)

× التشجيع على استعمال الآلات الموسيقيّة الإيقاعيّة (بندير، دربوكة، طار، دف، طبل،... أما خاصّة البندير) و ذلك لإحياء تراثنا الوطني و الإقليمي و الإبتعاد عن التّطبيع المنجرّ عن آلات مثل الجرمانة و البيانو و الباسّ و غيرها

3- التّحدّيات الرّياضيّة

× إقامة بطولات وطنيّة في كلّ شيء (كرة، زرابط، بيس، شكبّة، ديمينو، شيش بيش، خربقة، تلاطيخ، تزغريط، الخ.....) المفيد الناس يبداو يتعاركو على حاجة

× رصد جائزة هامّة لكلّ رياضي يحمل صورة ولد بيرسا بعد المسابقة (حتّى و إن تحصّل على المرتبة الأخيرة)

4- التّحدّيات الإجتماعيّة

× لكلّ رجل الحقّ في الزّواج من 5 نساء (4 من عند ربّي و وحدة من عندي أنا) من إمكانيّة التّرفيع في هذا العدد إلى 6 أو 8 (7 لا، و ما تقولوليش علاش) و ذلك عن طريق مطلب يقدّم بإسم ولد بيرسا و يتضمّن وجوبا إمضاء الزّوجات الخمسة و مبيّنا قدراته الفنّيّة في هذا المجال (هكّاكا الشّعب يلقى فاش يتلهى)

× تسخير عون أمن لكلّ مواطن لتنبيهه كلّما نطق بمصطلح يتنافى و دستور بيرسا (مثلا حاشاكم: ديمقراطيّة، و الاّ حرّيّة .. أعوذ بالله، و الاّ نقابة، و الاّ اللّطف عليكم معارضة، الخ...)

× إقامة انتخابات دوريّة كلّ 25 عاما، يقع التّرشّح لها عن طريق مطلب يقدّم باسم ولد بيرسا، كالعادة، و يقع البتّ فيه بعد 5 سنوات على الأقلّ و 26 عاما على الأكثر (أه؟؟؟ فمّا شكون موش عاجبو؟.... اممممم، نسخايب) ... باهي، نواصلو

× يقع رفض كلّ تلميذ في امتحانات آخر السّنة (مع السّجن مدى الحياة و الجلد 80 مرّة في اليوم) إذا لم يتحدّث عن السّيرة الذاتيّة الرّسميّة لولد بيرسا، و ذلك في كلّ الاختبارات (حتّى المات و الفيزيك و البيولوجيا)

× يحمل علم بيرسا اللّون البنّي (هكّاكا تتفكّروني على الأقلّ مرّة كلّ نهارين ... انتوما و آش كليتو ليلتها)

أيّا برجوليّة؟ ..... آش قولكم في فلسفة الحكم لدى ولد بيرسا؟

فيلسوف غول و الاّ لا؟

أيّا و قولوا ولد بيرسا موش باهي عاد !!!! هههه

MA FILLE EST 100% HALAL ...

Tout à l'heure, en rentrant en train, j'ai entendu une femme appeler sa fille par son prénom (rien de plus normal, me diriez-vous !!!)

Oui, mais ... sauf que la fille en question s'appelle "7alèle" (حلال)

La question qui m'est venue directement à l'esprit est : A CE POINT VEUT-ELLE LE PROUVER???